مەملەكەتتىك قىزمەتشىلەردىڭ كومپيۋتەرلەرى اۆتوماتتى تۇردە وشىرىلەدى
«بارلىق مەملەكەتتىك ورگاندارعا وزگەرمەلى كەستە مەن سەگىز ساعاتتىق جۇمىس كۇنىنە كەيىن مەلەكەتتىك ورگاندارداعى كومپيۋتەرلەردىڭ اۆتوماتتى ءوشىرىلۋىن ەنگىزۋ قاجەت. وزدەرىڭىز بىلەسىزدەر، مەملەكەت باسشىسى تاراپىنان سىن ايتىلدى بارلىق دەرلىك مەمورگاندار مۇنى قولدادى، 18:30-دا كومپيۋتەرلەردى ءوشىرۋدى ورتالىقتاندىرۋ ماسەلەلەرى شەشىلدى. ەندى مۇنى قاداعالاۋ كەرەك. ءبىز مەملەكەتتىك قىزمەتشىلەردىڭ جۇمىسى مەن جەكە ءومىرى اراسىنداعى تەڭگەرىمدى ساقتاۋىمىز كەرەك»، - دەدى شپەكبايەۆ 2018 -جىلدىڭ ەكىنشى جارتىسىنداعى جۇمىس قورىتىندىسىنا ارنالعان كەڭەيتىلگەن القا وتىرىسىندا.
سونىمەن بىرگە، اگەنتتىك ءتوراعاسى مەملەكەتتىك قىزمەتشىلەردىڭ ەلەكتروندى قۇجات اينالىمى جۇيەسىنە قولجەتىمدىلىگىن قامتاماسىز ەتۋ مۇمكىندىگى تۋرالى ايتىپ بەردى.
«جاپپاي «بۇلتتىق» تەحنولوگيالار ەنگىزىلىپ جاتقاندا، ءبىز مەملەكەتتىك قىزمەتشىلەردى كابينەتكە بايلاپ، باسقارۋ شەشىمدەرىن قابىلداۋدا قاجەتسىز اۋرە- سارساڭعا سالىپ جاتىرمىز»، - دەدى ول.
اۆتور: ايجان سەرىكجان قىزى