قازاقستاندا ىشكى ىستەر دەپارتامەنتتەرىنىڭ اتاۋى وزگەرتىلدى
بۇداي بىلاي ماسەلەن، ق ر ىشكى ىستەر مينيسترلىگى استانا قالاسىنىڭ ىشكى ىستەر دەپارتامەنتى ق ر ىشكى ىستەر مينيسترلىگى استانا قالاسىنىڭ پوليتسيا دەپارتامەنتى بولىپ اتالادى. نەمەسە ق ر ءى ءى م اقتوبە وبلىسىنىڭ ىشكى ىستەر دەپارتامەنتى ق ر ءى ءى م اقتوبە وبلىسىنىڭ پوليتسيا دەپارتامەنتىنە اينالدى. وسىلايشا، بارلىق وبلىستىڭ دەپارتامەنتتەرى قايتا اتالادى.
سايكەسىنشە، رەسپۋبليكانىڭ تۇگەل قالالىق ىشكى ىستەر باسقارمالارى مەن اۋداندىق ىشكى ىستەر بولىمدەرى پوليتسيا باسقارمالارىنا جانە پوليتسيا بولىمدەرىنە اينالادى.
سونداي- اق، ق ر ءى ءى م كولىكتەگى ىشكى ىستەر دەپارتامەنتى ق ر ءى ءى م كولىكتەگى پوليتسيا دەپارتامەنتى بولىپ وزگەرتىلدى.
ايتا كەتەيىك، پرەزيدەنت نازاربايەۆ «قازاقستاندىقتاردىڭ ءال- اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى بيىلعى جولداۋىندا قۇقىق قورعاۋ ورگاندارىنىڭ جۇمىسىنا تەرەڭ جانە ساپالى وزگەرىستەر قاجەتتىگىن ايتقان ەدى.
ەلباسى ۇكىمەتكە پرەزيدەنت اكىمشىلىگىمەن بىرلەسىپ، «ىشكى ىستەر ورگاندارىن جاڭعىرتۋ جونىندەگى جول كارتاسىن» قابىلداۋدى تاپسىردى.
رەفورمالار 2019 -جىلدىڭ 1 - قاڭتارىنان باستاپ جۇزەگە اسىرىلا باستاۋى ءتيىس.
اۆتور: ايجان سەرىكجان قىزى