قازاقستان پرەزيدەنتى «ازيا-ەۋروپا» فورۋمىنىڭ سامميتىنە قاتىسۋدا

None
None
بريۋسسەل. قازاقپارات - بريۋسسەلدە «ازيا-ەۋروپا» (اسەم) فورۋمىنىڭ 12- سامميتى اشىلدى. باس قوسۋعا قازاقستان پرەزيدەنتى نۇرسۇلتان نازاربايەۆ قاتىسىپ جاتىر، دەپ حابارلايدى «قازاقپارات» ح ا ا- ءنىڭ مەنشىكتى ءتىلشىسى.

اشىلۋ راسىمىنەن سوڭ كوشباسشىلار بەلگيا كورولى فيليپتىڭ قاتىسۋىمەن كورولدىكتىڭ ونەر جانە تاريح مۋزەيىندە وتەتىن كەشكى اسقا بارادى.

جوعارى دەڭگەيدەگى ەكى كۇندىك كەزدەسۋگە 21 ازيالىق، 30 ەۋروپالىق مەملەكەتتىڭ جەتەكشىلەرى، سونىمەن قاتار 2 ينستيتۋتسيونالدى سەرىكتەستەردىڭ (ە و پەن اسەان) وكىلدەرى قاتىسۋدا. بيىلعى جىلى ليدەرلەر «جاھاندىق قاۋىپ-قاتەرلەر الدىنداعى جاھاندىق سەرىكتەستىك» اتتى تاقىرىپ اياسىندا پىكىر الماسپاق.

ساممميتتىڭ باعدارلاماسى ەكى پلەنارلىق سەسسيادان تۇرادى. ولار قارجى-ەكونوميكالىق ماسەلەلەر مەن جاھاندىق قاۋىپ-قاتەرلەرگە قاتىستى. سونىمەن قاتار وڭىرلىك جانە حالىقارالىق پروبلەمالارعا قاتىستى پىكىر الماسۋعا ارنالعان بەيرەسمي سەسسيا بار.

مۇندا باستى نازار ساۋدا مەن ينۆەستيتسيالار كولەمىن ارتتىرۋ، ءوزارا ىقپالداستىق، تۇراقتى دامۋ مەن كليماتتىڭ وزگەرۋى سياقتى ماسەلەلەر بويىنشا ازيا مەن ەۋروپا اراسىنداعى ىنتىماقتاستىقتى دامىتۋ جانە فورۋمدى نىعايتۋعا باعىتتالاتىن بولادى.

كەزدەسۋدە وعان قاتىسۋشىلار سونىمەن قاتار جاپپاي قىرىپ-جويۋ قارۋلارىن تاراتپاۋ، تەرروريزم، كيبەرقاۋىپسىزدىك پەن زاڭسىز كوشىپ-قونۋ سياقتى قازىرگى زامانعى قاۋىپسىزدىككە تونگەن قاۋىپ-قاتەرلەرگە قاتىستى ماسەلەلەلەردى تالقىلاماق.

ايتا كەتەيىك، قازاقستان ورتالىق ازياداعى «ازيا-ەۋروپا» فورۋمىنا مۇشە جالعىز عانا مەملەكەت. اسەم سەرىكتەس مەملەكەتتەردىڭ ۇلەسىنە الەمدىك ءى ج و- ءنىڭ 65 پروتسەنتى، الەمدىك ساۋدانىڭ 55 پروتسەنتى مەن جەر تۇرعىندارىنىڭ ۇشتەن ەكىسى تيەسىلى.

ەسكە سالا كەتسەك، قازاقستان پرەزيدەنتى نۇرسۇلتان نازاربايەۆ بريۋسسەل قالاسىنا «ازيا- ەۋروپا» فورۋمىنىڭ (اسەم) 12-سامميتىنە قاتىسۋ ءۇشىن كەلگەن بولاتىن.

بۇگىن بەلگياداعى كورولدىك سارايىندا قازاقستان پرەزيدەنتى بەلگيا كورولى فيليپپەن كەزدەستى.

سونىمەن قاتار، ق ر پرەزيدەنتى نۇرسۇلتان نازاربايەۆ بريۋسسەل قالاسىندا ەۋروپانىڭ ىسكەر توپتار وكىلدەرىمەن كەزدەستى.

سونداي-اق نۇرسۇلتان نازاربايەۆ «ازيا - ەۋروپا» (اسەم) فورۋمى ХІІ سامميتىنىڭ اشىلۋ راسىمىنە كەلگەن سوڭ فرانتسيا رەسپۋبليكاسىنىڭ پرەزيدەنتى ەممانيۋەل ماكرونمەن كەزدەستى.

سوڭعى جاڭالىقتار