21:44, 18 - قازان 2018 | GMT +6
ەسىل وزەنىنىڭ جاعاسىندا تەگىن اۆتوتۇراق پايدا بولدى
استانا. قازاقپارات - استانادا ەسىل وزەنىنىڭ بويىنداعى «گراند الاتاۋ» ت ك جانىندا تەگىن اۆتوتۇراق پايدا بولدى، دەپ حابارلايدى قازاقپارات ەلوردا اكىمدىگىنىڭ رەسمي سايتىنا سىلتەمە جاساپ.
جاڭا اۆتوتۇراقتا 37 ورنى بار جانە وندا مۇمكىندىگى شەكتەۋلى جاندار ءۇشىن دە كولىك ورنى بەلگىلەنگەن.
كولىك قوياتىن ورىن سول ماڭداعى اۋلالارداعى جۇرگىزۋشىلەر جۇكتەمەسىن جەڭىلدەتۋگە ارنالدى.
«سونىمەن بىرگە، تۇرعىندارعا جايلى بولۋ ءۇشىن اۆتوتۇراق جانىندا قوسىمشا ورىندىقتار، شاعىن ساۋلەتتىك فورمالار جانە كۇن پانەلىمەن جۇمىس ىستەيتىن شامدار ورناتىلدى. مۇنىڭ بارلىعى تۇنگى ۋاقىتتا تۇراققا جارىق ءتۇسىرۋ جانە استانالىقتاردىڭ ۋاقىتىن ءتيىمدى ەتىپ وتكىزۋى ءۇشىن جاسالعان» ، - دەپ جازىلعان اكىمدىك سايتىندا.