سەرىك قوناقبايەۆ حالىقارالىق بوكس قاۋىمداستىعىنىڭ پرەزيدەنتى بولۋى مۇمكىن
ونىڭ كانديداتۋراسى بويىنشا ناقتى شەشىم 30 -قازان كۇنى قابىلدانادى. بۇل تۋرالى Inside The Games پورتالى حابارلادى.
بۇرىن قوناقبايەۆ ۇلتتىق فەدەراتسيالاردىڭ جەتكىلىكتى مولشەردەگى قولداۋ حاتىن جيناي الماعاندىقتان، АІВА باسشىسى لاۋازىمىنا ۇمىتكەر رەتىندە تىركەلمەگەن بولاتىن. ال سايلاۋ جارىسىندا جالعىز كانديدات - ۇيىمنىڭ پرەزيدەنتى مىندەتىن اتقارۋشى وزبەكستاندىق عافۋر راحيموۆ قالعان.
«تىڭدالىم سايلاۋ كۇنىنە تىم جاقىن بولعاندىقتان، ماعان سايلاۋ ناۋقانىن جۇرگىزۋىمە رۇقسات ەتىلدى»، - دەيدى قوناقبايەۆ.
حالىقارالىق وليمپيادا كوميتەتى (ح و ك) اقپاننان بەرى АІВА - عا قاتىستى تەكسەرىس جۇرگىزىپ جاتىر. ح و ك АІВА-نىڭ باسقارۋ، قارجى جانە دوپينگكە قارسى كۇرەس جونىندەگى باياندامالارىنا قاناعاتتانباعان بولاتىن. سودان كەيىن АІВА-نىڭ بۇرىنعى باسشىسى چيڭ-كۋو ۆۋ وتستاۆكاعا كەتىپ، ۇيىمنىڭ باسشىسى مىندەتىن عافۋر راحيموۆ اتقارىپ كەلگەن.
АІВА پرەزيدەنتى سايلاۋى ۇيىمنىڭ 2-3 -قاراشا كۇندەرى ماسكەۋدە بولاتىن كونگرەسى اياسىندا وتەدى.