قوبىزشىلاردىڭ رەسپۋبليكالىق بايقاۋى باستالدى
بۇل تۋرالى بۇگىن وڭىرلىك كوممۋنيكاتسيالار قىزمەتىندە وتكەن باسپا ءسوز كونفەرەنسياسىندا بايقاۋدى ۇيىمداستىرۋشى، جىراۋ مايرا سارسەنبايەۆا مالىمدەدى.
«قازىرگى تاڭدا قورقىت اتا مۇراسىن جاڭعىرتۋ، ۇرپاقتان- ۇرپاققا ناسيحاتتاۋ باعىتىندا ءبىرشاما اۋقىمدى جۇمىستار اتقارىلۋدا. سولاردىڭ ءبىرى، مىنە، بۇگىن وبلىستىق مادەنيەت، ارحيۆتەر جانە قۇجاتتاما باسقارماسىنىڭ ۇيىمداستىرۋىمەن ەلباسىمىزدىڭ «بولاشاققا باعدار: رۋحاني جاڭعىرۋ» باعدارلامالىق ماقالاسى اياسىندا تۇڭعىش رەت ۇيىمداستىرىلىپ وتىر»، - دەدى م. سارسەنبايەۆا.
بايقاۋدا 17-55 جاس ارالىعىنداعى ەلىمىزدىڭ ءار وڭىرىنەن كەلگەن قىلقوبىزشىلار قورقىت كۇيلەرىن توگىلتسە، قوبىزبەن سۇيەمەلدەپ جىر ايتۋشىلار قوجا احمەت ياساۋي حيكمەتتەرىنەن جانە تونىكوك، كۇلتەگىن، وعىزناما، قورقىت داۋىرىندەگى كونە جىر ۇلگىلەرىنەن ۇزىندىلەر ورىندايدى.