ا ق ش- تاعى قازاقستاندىق ارت- توپ كورمەسى

 استانا. قازاقپارات - « قىزىل تراكتور» توبى قۇرىلعاننان بەرى ەلدى تاڭعالدىرىپ كەلەدى. بيىل ەلباسىمىزدىڭ «رۋحاني جاڭعىرۋ» باعدارلاماسىن جۇزەگە اسىرۋ ماقساتىندا « قىزىل تراكتور» توبى ەۋروپانىڭ چەحيا، انگليا سياقتى ەلدەرىندە ءوز كورمەلەرىن ۇيىمداستىرعان ەدى.

ەندى مىنە «رۋحاني جاڭعىرۋ» باعدارلاماسى اياسىندا «قىزىل تراكتور» ونەر توبى مۇحيت اسىپ، ا ق ش جۇرتشىلىعىن ءوز ونەرىمەن ءتانتى ەتىپ جاتىر. امەريكانىڭ نيۋ- يورك قالاسىندا 14- قازان-30 - قاراشا ارالىعىندا « قىزىل تراكتور» توبىنىڭ«ويلار جيناعى: ويداعى وقيعالار» رەتروسپەكتيۆتى كورمەسىنىڭ ەسىگى امەريكالىق ازاماتتار ءۇشىن اشىق بولادى.

 بۇل كورمە دە "فوكۋس قازاقستان" جوباسىنىڭ جانە ACAW ازيا زاماناۋي ونەر اپتالىعىنىڭ ءبىر شاراسى. كورمەنىڭ سالتاناتتى اشىلۋى كۇنى " قىزىل تراكتور" "تازارتۋ" اتتى ءوزىنىڭ تانىمال پەرفورمانستارىنىڭ ءبىرىن ۇسىندى. "فوكۋس قازاقستان" جوباسىن "رۋحاني جاڭعىرۋ" باعدارلاماسى اياسىندا ق ر مادەنيەت جانە سپورت مينيسترلىگىنىڭ قولداۋىمەن ق ر ۇلتتىق مۋزەيى ۇيىمداستىرۋدا.

جوبا جەتەكشىسى - ل. كوچەتوۆ، جوبا كۋراتورى - ر. ابەنوۆا. كورمە كۋراتورىنىڭ كومەكشىسى - ۆلاد سلۋدسكي. توپ مۇشەلەرى: مولداقۇل نارىمبەتوۆ (1948-  2012) ، ۆيتالي سيماكوۆ، ابيلسايد اتابەكوۆ، سمايىل باياليەۆ، ارىستانبەك شالبايەۆ. "فوكۋس قازاقستان" جوباسى "رۋحاني جاڭعىرۋ" باعدارلاماسى اياسىندا، ونىڭ ىشىندە "جاھانداندىق الەمدەگى زاماناۋي قازاقستاندىق مادەنيەت" تارماعى بويىنشا جۇزەگە اسىپ وتىر. ال ازيا زاماناۋي ونەر اپتالىعى (ACAW) - كەڭ اۋقىمدى ەكسپەريمەنتالدىق كورمەلەردى، يننوۆاتسيالىق جوبالاردى جانە ءتۇرلى ديالوگتاردى كورسەتۋ ءۇشىن نيۋ- يوركتىق جانە ازيالىق جەتەكشى كوركەمونەر ينستيتۋتسيالارىن، مۋزەيلەر مەن گالەرەيالاردى بىرىكتىرەتىن سەرپىندى كۋراتورلىق جانە ءبىلىم بەرۋ الاڭى.

كورمەدە " قىزىل تراكتور" قازاقستاندىق ونەر توبىنىڭ ءۇش جۇزگە جۋىق ەكسپوناتى قويىلعان: كوركەم سۋرەت، گرافيكا، مونۋمەنتتى مۇسىندىك جۇمىستار، كەڭىستىكتىك نىساندار، ينستاللياتسيالار، پەرفورمانستاردىڭ مۇراعاتتىق سۋرەتتەرى جانە بەينەلەرى. ايتا كەتەيىك، 1990 -جىل شىمكەنتتە مولداعۇل نارىمبەتوۆ، ۆيتالي سيماكوۆ، سمايل باياليەۆ، سايد (ابىلسەيت) اتابەكوۆ، ارىستانبەك شالبايەۆتاردان قۇرالعان "ترانساۆانگارد" ارت توبى قۇرىلدى. ءتورت سۋرەتشىدەن تۇراتىن توپ سوناۋ 1990 -جىلدىڭ وزىندە " قىزىل پاتشا" اتتى العاشقى كورمەلەرىن وتكىزدى. وسىدان سوڭ الماتىدا "شىمكەنت ترانساۆانگارد" كورمەسىن ۇيىمداستىردى. شىمكەنت وبىلىستىق تاريحي ولكەتانۋ مۋزەيىندە ۇيىمداستىرىلىعان كورمەنىڭ اتىن " قىزىل تراكتور" دەپ سۋرەتشى م. نارىمبەتوۆ ويلاپ تاپقان ەكەن. ويتكەنى سول مۋزەيدىڭ الدىندا تىڭ يگەرۋ ساياساتىنداعى العاشقى تراكتورلاردىڭ ءبىرى - قىزىل تراكتور تاريحتىڭ جاڭعىرىعى رەتىندە ەسكەرتكىش ەتىپ قويىلعان.

سودان بەرىمودەرنيستىك باعىتتاعى بۇل توپ " قىزىل تراكتور" دەپ اتالىپ كەلەدى. مىنە سودان بەرى ارت- توپ ەلىمىزدە دە، وزگە ەلدەردە دە وزىندىك ءستيلى بار ونەر تۋىندىلارىمەن كورەرمەندى قۋانتىپ كەلەدى. مىسالى چەحيادا وتكەن ونەر كورمەسىندە جينالعان جۇرت " قىزىل تراكتوردىڭ" ەرەكشە ءستيلدى ونەر تۋىندالىرىنا تاڭعالعانىن جاسىرمادى.

 بۇل تۋرالى: "مەن قىزىل تراكتوردىڭ ادام رۋحىن، ىشكى سەزىمىن تاماشا تاسىلمەن جەتكىزگەنىنە ريزا بولدىم"، -  دەيدى گوللانديالىق جازۋشى، جۋرناليست حەرت مىرزا.

 نيۋ- يوركتاعى كورمەنىڭ "ويلار جيناعى: ويداعى وقيعالار" اتاۋى كورمە كۋراتورى ليزا ءاحماديدىڭ شىعارما جەلىسىنە قاتىستى، ول سۋرەتشىنى كوركەمونەر نارىعىنان تىس ءبىرىنشى كوللەكتسيا جيۋشى دەپ اتايدى، بۇل سونىمەن قاتار 2018 -جىلعى ازيا زاماناۋي ونەر اپتالىعىنىڭ نەگىزگى تۇجىرىمداماسى بولىپ تابىلادى.

Massaget.kz