ادام قولى تيمەسىن: انتاركتيكاعا ارنالعان ءان شىقتى

 استانا. قازاقپارات - اتاقتى Radiohead توبىنىڭ فرونتمەنى، مۋزىكانت توم يورك "Hands off the Antarctic"، ياعني، "انتاركتيكادان قولىڭدى تارت" ءانىن تانىستىردى.

 اتاۋىنان بەلگىلى بولعانداي، جابايى تابيعاتتى قورعاۋشى "گرينپيس" ۇيىمىمەن بىرلەسە شىعارىلعان ءان انتاركتيكا الەمىن ساقتاپ قالۋدى كوزدەيدى. "گرينپيس" يۋتيۋب- كانالىنداعى مۋزىكالىق ۆيدەودا اركتيكالىق تابيعات بەينەلەرى كورسەتىلەدى. بۇل كادرلاردىڭ بارلىعى ۇيىم ميسسياسىنا قاتىساتىن Arctic Sunrice كەمەسىنەن تۇسىرىلگەن.







 "جەر- انانىڭ قويناۋىنداعى كەيبىر مەكەندەر ادام قولى تيمەگەن، جابايى كۇيىندە ساقتالۋى ءتيىس دەپ ەسەپتەيمىن، "- دەدى توم يورك The Independent باسىلىمىنا بەرگەن سۇحباتىندا.

Massaget.kz