عالىمدار تەمەكىگە قارسى ەكپە ويلاپ تاپتى
عالىمداردىڭ تىشقاندارعا ۆاكسينا سالۋ ارقىلى جۇرگىزگەن زەرتتەۋىنىڭ ناتيجەسىندە ۇلكەن قۇپيانىڭ بەتى اشىلدى. ولار دەنەگە جەكەلەگەن اقۋىزداردىڭ سينتەزىن باقىلايتىن ارنايى قۇرامدى ەنگىزۋ اعزاداعى نيكوتيندى تولىعىمەن شىعارۋعا ىقپال ەتەتىندىگىن انىقتادى.
عالىمدار تاپقان جانە وزگەرتىلگەن NicA2 فەرمەنتى ادامنىڭ نەمەسە جانۋاردىڭ دەنەسىنە ەنەتىن نيكوتيندى تولىعىمەن بولشەكتەپ، ابستينەنسيا سيندرومى باستالعانعا دەيىن اعزاداعى نيكوتيندى شىعارۋعا قابىلەتتى بولىپ شىقتى.
سونداي- اق، عالىمدار اعزاعا اسەر ەتەتىن ەڭ ءتيىمدى ناتيجە الۋ ءۇشىن NicA2-J1 فەرمەنتىن جاسادى. ول شىلىم شەگەتىندەرگە ارنالعان ۆاكسينانىڭ العاشقى پروتوتيپىنە قاراعاندا، نيكوتينگە تاۋەلدىلىكتى تولىعىمەن جويۋعا قابىلەتتى.
كەمىرگىشتەرگە جاسالعان زەرتحانالىق زەرتتەۋلەر اياقتالعاننان كەيىن ۇزاق ۋاقىت بويى نيكوتين قوسىلعان سۋ ىشكەن تىشقانداردىڭ وزگەرتىلگەن فەرمەنتتەردىڭ ارقاسىندا نيكوتينگە تاۋەلدىلىكتەن تولىق ەمدەلىپ شىققانى انىقتالدى.
Stan.kz