نۇرسۇلتان نازاربايەۆ بريۋسسەلدە ەۋروپانىڭ ىسكەر توپتار وكىلدەرىمەن كەزدەستى
نۇرسۇلتان نازاربايەۆ كەزدەسۋگە قاتىسۋشىلار الدىندا سويلەگەن سوزىندە ەۋروپا ەلدەرى قازاقستاننىڭ ساۋدا- ەكونوميكا جانە ينۆەستيسيا سالالارىنداعى ماڭىزدى سەرىكتەستەرى سانالاتىنىن اتاپ ءوتتى.
- تاۋەلسىزدىك جىلدارى قازاقستانعا ەۋروپادان 180 ميلليارد ا ق ش دوللارىنان استام تىكەلەي ينۆەستيتسيا تارتىلدى. ءبىز ەۋروپا قايتا قۇرۋ جانە دامۋ بانكىمەن تىعىز ىنتىماقتاستىق ورناتتىق. وسى جىلدار ىشىندە بۇل بانك جالپى قۇنى 7 ميلليارد ەۋرودان اساتىن جوبالاردى قارجىلاندىردى، - دەدى قازاقستان پرەزيدەنتى.
مەملەكەت باسشىسى سوڭعى جىلدارى ەۋروپا ەلدەرىمەن تاۋار اينالىمى تۇراقتى تۇردە ءوسىپ كەلە جاتقانىن ايتىپ، قازاقستاندا ەۋروپا كاپيتالىنىڭ قاتىسۋىمەن ءتۇرلى سالالاردا 3 مىڭعا جۋىق كاسىپورىن جۇمىس ىستەيتىنىن اتاپ ءوتتى.
- ءبىزدىڭ سەرىكتەستەرىمىزدىڭ قاتارىندا «الستوم»، «ليندە گرۋپ»، «ەر ليكيد»، «دانون»، «ۆيكات»، «حايدەلبەرگتسەمەنت» سياقتى ءىرى كومپانيالار بار. بۇلار جەمىستى جۇمىس جۇرگىزىپ، زاماناۋي وندىرىستەر قۇرۋدا، سونداي- اق جاڭا جۇمىس ورىندارىن اشىپ، تابىس تابۋدا، - دەدى نۇرسۇلتان نازاربايەۆ.
قازاقستان پرەزيدەنتى ەۋروپا ونىمدەرىنىڭ تۇتىنۋ نارىعىن كەڭەيتۋ اياسىندا بيزنەسمەندەرگە ەلىمىزدىڭ گەوگرافيالىق جاعدايىنىڭ ارتىقشىلىقتارى تۋرالى ايتتى.
- قازاقستان ارقىلى قىتاي مەن ازيانىڭ باسقا ەلدەرىن رەسەي، كاسپيي تەڭىزى جانە قارا تەڭىز، سونداي- اق يران مەن تۇركيا ارقىلى ەۋروپامەن بايلانىستىراتىن 5 تەمىر جول جانە 6 اۆتوموبيل جولى وتەدى. ەندى قازاقستان ارقىلى قىتايدان ەۋروپاعا جانە كەرى قاراي جونەلتىلەتىن جۇك تاسىمالى تەڭىز جولىنا قاراعاندا 4 ەسە قىسقارادى، - دەدى مەملەكەت باسشىسى.
نۇرسۇلتان نازاربايەۆ ەلىمىزدەگى ينۆەستيتسيالىق احۋالدى جاقسارتۋ جانە بيزنەس جۇرگىزۋ ءۇشىن قولايلى جاعدايلار تۋعىزۋ ماسەلەلەرىنە ەرەكشە توقتالدى.
- قازاقستان ەكونوميكالىق ىنتىماقتاستىق جانە دامۋ ۇيىمىنىڭ ينۆەستيسيالار جونىندەگى كوميتەتىنىڭ قاۋىمداستىرىلعان مۇشەسى سانالادى جانە حالىقارالىق ينۆەستيسيالار جونىندەگى دەكلاراتسياعا قوسىلدى. ءبىزدىڭ ەلىمىزدە پرەزيدەنت جانىنداعى شەتەل ينۆەستورلارىنىڭ كەڭەسى جۇمىس ىستەيدى. وعان مۇشە بولىپ وتىرعان 33 شەتەلدىك كومپانيانىڭ 13 ى ەۋروپا وكىلدەرى. بىزدە 66 ەلدىڭ، سونىڭ ىشىندە ەۋروپانىڭ 33 ەلىنىڭ ازاماتتارى ءۇشىن ۆيزاسىز رەجىم ەنگىزىلدى، - دەدى قازاقستان پرەزيدەنتى.
مەملەكەت باسشىسى ەكونوميكا سالاسىن تسيفرلاندىرۋ مەن يننوۆاتسيالىق ەكوجۇيەنى دامىتۋدىڭ ماڭىزدىلىعىن اتاپ ءوتىپ، «سيفرلىق قازاقستان» مەملەكەتتىك باعدارلاماسىن ىسكە اسىرۋ ماسەلەلەرىنە نازار اۋداردى.
- ءبىزدىڭ ەلدە نازاربايەۆ ۋنيۆەرسيتەتى جانە يننوۆاتسيالىق تەحنولوگيالار پاركى سياقتى يننوۆاتسيالىق كلاستەرلەر جۇمىس ىستەۋدە. بيىل استانادا IT- ستارتاپتاردىڭ جاڭا «استانا حاب» حالىقارالىق تەحنوپاركى ىسكە قوسىلادى. ونى الەمنىڭ IT- كاسىپكەرلەرى مەن ينۆەستورلارىن تارتاتىن تۇتاس ينفراقۇرىلىمعا اينالدىرۋ كوزدەلىپ وتىر. تەحنوپارك جۇمىسىنا قاتىسۋشىلار جەڭىلدەتىلگەن ۆيزا مەن ەڭبەك رەجىمدەرىن پايدالانا الادى، سونداي-اق ولارعا سالىق جەڭىلدىكتەرى دە ۇسىنىلاتىن بولادى، - دەدى نۇرسۇلتان نازاربايەۆ.
سونىمەن قاتار، مەملەكەت باسشىسى قازاقستاننىڭ ءىرى كومپانيالارىنىڭ ءى ر و- عا شىعۋى جانە مەملەكەت- جەكەشەلىك ارىپتەستىڭ اياسىندا ىنتىماقتاسۋى تۇرعىسىنان ەۋروپالىق ينۆەستورلار الەۋەتىنىڭ ماڭىزدى ەكەنىن ايتتى.
قازاقستان پرەزيدەنتى اگروونەركاسىپ كەشەنىن دامىتۋدىڭ مەملەكەتتىك باعدارلاماسى اياسىندا اۋىل شارۋاشىلىعى تاۋارلارىن وندىرۋشىلەرگە قولداۋ كورسەتۋ جونىندە اتاپ ءوتىپ، جاڭا تەحنولوگيالاردى ەنگىزۋ ارقىلى ونىمدىلىكتى ارتتىرۋ جانە اۋىل شارۋاشىلىعى ونىمدەرىن كەلەشەكتە ەكسپورتقا شىعارۋ ماقساتىمەن قايتا وڭدەۋ بۇل سالانىڭ نەگىزگى باسىمدىعى بولىپ سانالاتىنىن ايتتى.
- ءبىز تۋريزمدى وركەندەتۋگە زور ءمان بەرەمىز. بىزدە تۋريستىك سالانى دامىتۋ تۇجىرىمداماسى جۇزەگە اسىرىلۋدا. قازاقستاننىڭ الۋان ءتۇرلى لاندشافتى، باي مادەنيەتى مەن تاريحى جانە وسى سالاداعى ەۋروپالىق كومپانيالاردىڭ مول تاجىريبەسى ءوزارا پايدالى بولار ەدى دەپ ويلايمىن، - دەدى نۇرسۇلتان نازاربايەۆ.
سونىمەن قاتار، مەملەكەت باسشىسى جيىنعا قاتىسۋشىلارعا «ەكسپو» كورمەسىنىڭ ينفراقۇرىلىمى بازاسىندا جۇمىس ىستەيتىن جانە ەلىمىزدەگى ءارى وڭىردەگى «جاسىل» جوبالاردى جۇزەگە اسىرۋعا سەپتىگىن تيگىزەتىن «جاسىل» تەحنولوگيالار مەن ينۆەستيتسيالىق جوبالاردى دامىتۋ جونىندەگى حالىقارالىق ورتالىق تۋرالى ايتتى.
- ەلوردادا «استانا» حالىقارالىق قارجى ورتالىعى جۇمىسىن باستادى. ونىڭ قۇقىقتىق مارتەبەسى كونستيتۋتسيالىق زاڭمەن بەكىتىلگەن، ال جۇمىس ءتىلى - اعىلشىن ءتىلى. بۇل قارجى ورتالىعىنىڭ جۇمىسىنا قاتىسۋشىلارعا 50 -جىلعا دەيىن سالىقتىق جەڭىلدىكتەر قاراستىرىلعان، سونداي- اق، ولار ءۇشىن جەڭىلدەتىلگەن ۆاليۋتالىق، ۆيزالىق جانە ەڭبەك رەجىمدەرى كوزدەلگەن. بۇل - قىزمەتى اعىلشىن قۇقىعىنا نەگىزدەلگەن وڭىردەگى بىردەن- ءبىر ورتالىق. سىزدەردىڭ كومپانيالارىڭىزدى وسى قارجى ورتالىعىنىڭ جۇمىسىنا اتسالىسۋعا شاقىرامىن، - دەدى قازاقستان پرەزيدەنتى.
سوڭىندا مەملەكەت باسشىسى بۇل كەزدەسۋدىڭ ەلدەرىمىز اراسىنداعى ءوزارا ءتيىمدى سەرىكتەستىكتى ودان ءارى نىعايتا تۇسەتىنىنە سەنىم ءبىلدىرىپ، قاتىسۋشىلاردىڭ بارىنە تابىس پەن باق-بەرەكە تىلەدى.
ەسكە سالا كەتەيىك، ەلباسى بريۋسسەل قالاسىنا «ازيا- ەۋروپا» فورۋمىنىڭ (ا س ە م) 12- سامميتىنە قاتىسۋ ءۇشىن كەلدى.
سونداي-اق، بەلگياداعى كورولدىك سارايىندا قازاقستان پرەزيدەنتى نۇرسۇلتان نازاربايەۆ بەلگيا كورولى فيليپپەن كەزدەستى.