تايلاند قازاقستاندىقتارعا ۆيزانى تەگىن بەرمەك

None
None
استانا. قازاقپارات - تايلاند ۇكىمەتى 21 ەلدىڭ ازاماتتارى ءۇشىن ۆيزا تولەمىن جويۋدى جوسپارلاپ وتىر، ول ەلدەردىڭ قاتارىندا قازاقستان دا بار، دەپ حابارلايدى قازاقپارات Bangkok Post قا سىلتەمە جاساپ.

 2018 -جىلعى قاراشا- جەلتوقساندا تايلاندقا بارۋ ءۇشىن ۆيزا تالاپ ەتىلەتىن 21 مەملەكەتتىڭ تۋريستەرى ۆيزا تولەمىنەن بوساتىلادى. تايلاند بيلىگى ازايا باستاعان تۋريستەر اعىنىن قايتا جانداندىرۋ ءۇشىن وسىنداي شارا قولدانباق.

ۇكىمەت جانە وسى باستامانى كوتەرىپ وتىرعان پرەمەر- ءمينيستردىڭ ورىنباسارى سومكيد دجاتۋپريپيتاك تۋريستەردىڭ قايتا اعىلىپ كەلەتىنىنە ءۇمىت ارتىپ وتىر. ولاردىڭ جوسپارلاۋىنشا، جىلدىق كورسەتكىش 40 ميلليون ادامعا جەتۋى ءتيىس. ولاردىڭ پىكىرىنشە، ۆيزا تولەمىنىڭ جويىلۋىنىڭ ارقاسىندا، باسقاسىن بىلاي قويعاندا، تەك قىتايدىڭ وزىنەن جىلىنا 12 ميلليون ادام تايلاندقا ساياحاتتايدى.

قازىرگى كەزدە ۆيزانىڭ تولەمى  2000  بات نەمەسە  22000 مىڭ تەڭگە.

ال تايلاندتىڭ جەكەمەنشىك تۋريستىك وپەراتورلارى الداعى التى ايدا ەل قاۋىپسىزدىگىنە كۇمان تۋىنداۋ سالدارىنان قىتايدان كەلەتىن تۋريستەر اعىنى 1 ميلليون ادامعا ازايۋى مۇمكىن.

قىتايدان كەلەتىن تۋريستەر اعىنىنىڭ كۇرت قىسقارۋى تايلاند ەكونوميكاسىنا ايتارلىقتاي اسەرىن تيگىزەدى. ايتا كەتەيىك، تۋريزم تايلاند جالپى ىشكى ءونىمىنىڭ 20 پايىزىن قۇرايدى.

سوڭعى جاڭالىقتار