ارزان تاۋىق ەتىنىڭ جارتىسى سۋمەن تولتىرىلادى - ماكسيم بوجكو
ونىڭ ايتۋىنشا، قازاقستاندا وندىرىلەتىن قۇس ونىمدەرى ساپالى جانە 100 پايىز قاۋىپسىز.
«كەيبىر تۇتىنۋشىلار وتاندىق ونىمدەردەن ءسال ارزان بولعانى ءۇشىن كورشىلەس ەلدەردىڭ ونىمدەرىن ساتىپ الادى. ماسەلەن، ە ا ە و بويىنشا سەرىكتەستەرىمىزدىڭ تاۋىق ەتتەرى قازاقستانعا ارزانىراق باعامەن كەلەدى. ال ونىڭ جالپى سالماعىنىڭ 15-30 پروتسەنتىن سۋمەن تولتىرىپ، مۇزعا قاتىرىپ اكەلەدى. تۇتىنۋشى الدانباۋى ءۇشىن جانە سۋعا ارتىق قاراجات شىعىنداماۋى ءۇشىن قازاقستاننىڭ قاتىرىلماعان تاۋىق ەتتەرىن الۋعا كەڭەس بەرەمىز، - دەدى ماكسيم بوجكو ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.
سونىمەن بىرگە، قاۋىمداستىق باسشىسى وتاندىق ونىمدەردىڭ ارتىقشىلىقتارىن اتاپ ءوتتى.
«بىرىنشىدەن، ق ر ا ش م ۆەتەرينارلىق قىزمەتى مەن ق ر د س م قوعامدىق دەنساۋلىق ساقتاۋ كوميتەتى وتاندىق ونىمدەرگە ۇنەمى تەكسەرۋ جۇرگىزىپ وتىرادى. سوندىقتان ولار ساپالى جانە 100 پايىز قاۋىپسىز. ال قازاقستانعا كەلەتىن يمپورتتىق ونىمدەر سول ەلدىڭ ۆەتەرينارلىق سەرتيفيكاتىمەن كەلەدى دە، ولارعا قازاقستان تاراپىنان قوسىمشا تەكسەرۋ جۇرگىزىلمەيدى»، - دەدى ول.
ەكىنشىدەن، وتاندىق ءونىمدى تاڭداۋ ارقىلى قازاقستاندىقتار سويىلعانىنا كوپ ۋاقىت وتە قويماعان ءدامدى تاۋىق ەتىن الا الادى. قازاقستاننىڭ بارلىق وڭىرىندە دەرلىك جۇمىرتقا جانە تاۋىق ەتى فابريكالارى بار جانە مۇزعا قاتپاعان، جاي عانا سۋىتىلعان تاۋىق ەتىن الۋعا بولادى.
«قاتىرىلماعان تاۋىق ەتى 5 كۇنگە عانا جارامدى بولدى جانە ونى شەتەلدەن تاسىمالداۋ مۇمكىن ەمەس. ۇشىنشىدەن، ءبىزدىڭ قۇستار ءوز جەرىمىزدە وسكەن ءداندى داقىلدارمەن، ەكولوگيالىق تازا جەم- شوپپەن قورەكتەنەدى. سوندىقتان، وتاندىق تاۋاردى تاڭداعان الدەقايدا ءتيىمدى»، - دەپ ءوز ءسوزىن تۇيىندەدى ماكسيم بوجكو.
ايتا كەتەيىك، 2018 -جىلدىڭ ماۋسىم ايىندا ق ر ا ش م قۇس تۇماۋى تىركەلگەن رەسەيدىڭ 36 قۇس فابريكاسىنىڭ ءونىمىن اكەلۋگە تىيىم سالعان ەدى. قازان ايىندا بۇل تىيىم تاعى ۇزارتىلدى.
ماكسيم بوجكونىڭ ايتۋىنشا، قازاقستاننىڭ قۇس فابريكالارىندا قۇس تۇماۋى تىركەلگەن جوق.
اۆتور: ايجان سەرىكجان قىزى