12:48, 18 - قازان 2018 | GMT +6
سەمسەرلەسۋ: قازاق قىزى ازيا چەمپيونى اتاندى
استانا. قازاقپارات - فيليپپينىڭ مانيلا قالاسىندا سەمسەرلەسۋدەن 23 جاسقا دەيىنگى سپورتشىلار اراسىندا وتكەن ازيا چەمپيوناتىندا قازاق قىزى ايگەرىم سارىباي چەمپيون اتاندى، دەپ حابارلايدى قازاقپارات.
ق ر ۇلتتىق وليمپيادالىق كوميتەتىنىڭ باسپا ءسوز قىزمەتى ءمالىم ەتكەندەي سابليادان ايەلدەر اراسىنداعى سىندا قازاقستان ۇلتتىق قۇراماسىنىڭ مۇشەسى ايگەرىم سارىباي ەشكىمگە دەس بەرمەي باس جۇلدەنى قانجىعاسىنا بايلادى. تاعى ءبىر سپورتشىمىز ايبيكە حابيبۋللينا كۇمىس مەدال يەلەندى.
ايتا كەتەيىك، ەكى سپورتشى دا ءىرى حالىقارالىق تۋرنيرلەردە قازاقستان نامىسىن ابىرويمەن قورعاپ ءجۇر.
ايگەرىم سارىباي مەن ايبيكە حابيبۋللينا كوماندالىق سىندا ازيا ويىندارىنىڭ قولا جۇلدەگەرى اتانعان بولاتىن.
اۆتور: كۇنسۇلتان وتارباي