دانيار ەلەۋسىنوۆتىڭ كاسىبي رينگتەگى ءتورتىنشى ايقاسى تىكەلەي ەفيردەن كورسەتىلەدى

None
None
استانا. قازاقپارات - «حابار» تەلەارناسى دانيار ەلەۋسىنوۆتىڭ (3-0، 1 ك و) كاسىپقوي بوكستاعى ءتورتىنشى جەكپە-جەگىن تىكەلەي ەفيردەن كورسەتەدى، دەپ حابارلايدى قازاقپارات.

ەلەۋسىنوۆتىڭ الداعى جەكپە-جەگى 20- قازان كۇنى امەريكانىڭ بوستون قالاسىندا وتەتىنىن بۇعان دەيىن جازعان بولاتىنبىز. ونىڭ قارسىلاسى - 30 جاستاعى امەريكالىق بوكسشى، «داۋىت» لاقاپ اتىمەن بەلگىلى مەتت دوەرتي (8-5-1،  4 ك و).

«قازاقستاننىڭ كاسىپقوي بوكسى» ۆكونتاكتە الەۋمەتتىك جەلىسىندە ءمالىم ەتكەندەي، التى راۋندقا ەسەپتەلگەن ايقاستى قازاقستان اۋماعىندا «حابار» تەلەارناسى تىكەلەي ەفيردەن كورسەتەدى. ترانسلياتسيا جەكسەنبى كۇنى، استانا ۋاقىتىمەن ساعات 06.00 دە باستالادى.

ايتا كەتەيىك، 27 جاستاعى ەلەۋسىنوۆتىڭ مۇددەسىن قورعايتىن Matchroom Boxing پروموۋتەرلىك كومپانياسى ونىڭ كاسىبي بوكستاعى بەسىنشى جەكپە-جەگىنىڭ قاشان جانە قايدا وتەتىنىن دە جاريالاعان بولاتىن. ونىڭ قارسىلاسى ازىرگە بەلگىسىز.

ەسكە سالايىق، دانيار ەلەۋسىنوۆ بيىلعى 4- تامىزدا وتكەن جەكپە-جەكتە ۆەنگريالىق گابور گوربيچتى (26-13، 16 كو) ۇپاي سانىمەن جەڭگەن بولاتىن. بۇدان كەيىن قازاقستاندىق بوكسشىنىڭ BoxRec.com تانىمال سايتىنداعى رەيتينگى بىردەن 75 ساتىعا جوعارىلادى.

 

سوڭعى جاڭالىقتار