تەگىن تۋريستىك جولداماعا اقى تولەگەن استانالىق سوتقا جۇگىندى
ءىس ماتەريالىنا سايكەس، ازامات س. مەن ونىڭ جۇبايى سىيلىق الۋ ءۇشىن تۋريستىك كومپانياعا شاقىرتۋ العان. كەڭسەدە باليگە تەگىن تۋريستىك جولداما ۇتىپ العاندارى جانە ونى الۋ ءۇشىن 69 مىڭ تەڭگە مىندەتتى جارنا تولەۋ قاجەتتىگى ايتىلعان.
«مورالدىق قىسىممەن ەر ادام جارنانى تولەپ، كەلىسىمشارتقا قول قويعان. كەيىن ارىز بەرۋشى كەڭسەگە ۇلىمەن بىرگە كەلىپ، اقشانى كەرى قايتارۋدى تالاپ ەتكەن. ءبىراق كومپانيا اقشانى بەرۋدەن باس تارتقان. ازاماتتىق ءىستى قاراۋ بويىنشا سوت وتىرىسى بارىسىندا تاراپتار داۋ-دامايدى مەدياتسيالىق تارتىپپەن رەتتەۋ تۋرالى ۋاعدالاستى»، - دەلىنگەن سوت حابارلاماسىندا.
ەسىل اۋداندىق سوتى تاراپتاردىڭ ۋاعدالاستىعىن بەكىتتى. وعان سايكەس، كومپانيا ازامات س. -عا سوت شەشىمىنسىز قارىز سوماسىن قايتارۋعا مىندەتتەلدى.
ءىس بويىنشا ءوندىرىس توقتاتىلىپ، شەشىم زاڭدى كۇشىنە ەندى.