الماتىدا حالىق ساناعى ونلاين رەجىمدە وتەدى

الماتى. قازاقپارات - قازاقستاندا كەلەسى جىلى حالىق ساناعى وتەدى. بۇل پروتسەس الماتىدا قالاي ۇيىمداستىرىلاتىنىن قالالىق ستاتيستيكا دەپارتامەنتىنىڭ باسشىسى باعلان قارعۇلوۆ وڭىرلىك كوممۋنيكاتسيالار قىزمەتىندە ايتتى، دەپ حابارلايدى قازاقپارات ءتىلشىسى.

ونىڭ ايتۋىنشا، قالاداعى دەموگرافيالىق جاعداي ءبىرشاما تۇراقتى.

«2019-جىلدىڭ قاراشاسىندا قازاقستاندا حالىق ساناعى جۇرەدى. بۇل ساناق عالامتور جەلىسىن قولدانۋ ارقىلى ونلاين رەجىمدە جۇرگىزىلەدى. سونىمەن قاتار، پلانشەت ارقىلى حالىق اراسىندا ساۋالناما جۇرگىزىلەدى. ەكى ءتاسىل بويىنشا دا رەسپوندەنتتەر ءوزى تۋرالى عانا ەمەس، وتباسى مۇشەلەرى تۋرالى دا اقپارات بەرەتىن بولادى. ينتەرنەت ساۋالناما 1-15- قاراشا اراسىندا جۇرگىزىلەدى. رەسۋرسقا «SANAQ» ۆەب سايتى ارقىلى كىرۋگە بولادى»، - دەدى دەپارتامەنت باسشىسى.

قالانىڭ شەتكى اۋداندارىندا ساناق ناۋقانى باستالماستان 1 اي بۇرىن پلانشەت ارقىلى تۇرعىنداردى تىركەۋ باستالادى.

«سونىمەن قاتار، 1-30- قاراشا ارالىعىندا ينتەرۆيۋرلەر ۇيلەردى ەكى مارتە ارالاپ شىعاتىن بولادى. ولار ساناق جۇرگىزگەندە پلانشەت قولداناتىن بولادى. حالىقتى تىركەۋ 31- قازان-1- قاراشا كۇنى تۇنگى 00:00 باستالادى. 1-9- جەلتوقسان ارالىعىندا جينالعان اقپاراتتى قورىتىندى تەكسەرۋ جۇرگىزىلەدى»، - دەدى باعلان قارعۇلوۆ.

ستاتيستيكا مالىمەتىنە سۇيەنسەك، الماتىدا قازىر 1 ميلليون 839 مىڭ ادام ءومىر ءسۇرىپ جاتىر. وتكەن جىلعى كورسەتكىشپەن سالىستىرعاندا %3,2 عا ارتقان.

2018-جىلدىڭ 8 ايىندا الماتىدا ادام سانى 36936 ادامعا وسكەن.

وتكەن جىلعى كورسەتكىشپەن سالىستىرعاندا حالىقتىڭ تابيعي ءوسىمى %4,8  عا ارتتى.

ستاتيستيكا دەپارتامەنتى باسشىسىنىڭ ايتۋىنشا، الماتىلىقتاردىڭ ورتاشا ءومىر ءسۇرۋ ۇزاقتىعى 25 جىلدا 8 جىلعا ارتقان.