فين كومپانيالارىن قازاقستاندا بيزنەسىن دامىتۋعا شاقىرامىن - ەلباسى

حەلسينكي. قازاقپارات - فين كومپانيالارىن قازاقستاندا بيزنەسىن دامىتۋعا شاقىرامىز.

بۇل تۋرالى بۇگىن فينلياديانىڭ بيزنەس كاپيتاندارىمەن كەزدەسۋ بارىسىندا قازاقستان پرەزيدەنتى نۇرسۇلتان نازاربايەۆ ايتتى، دەپ حابارلايدى قازاقپاراتتىڭ ارناۋلى ءتىلشىسى حەلسينكيدەن.

بيزنەسمەندەرمەن كەزدەسۋ بارىسىندا نۇرسۇلتان نازاربايەۆ ەلىمىزدى ينۆەستيسيالىق احۋالدى جاقسارتۋعا باعىتتالعان جۇمىستاردىڭ تۇراقتى جۇرگىزىلىپ، كاسىپكەرلىك سالاسىنداعى زاڭنامالار ىرىقتاندىرىلعانىن اتاپ ءوتتى.

«دۇنيەجۇزىلىك بانكتىڭ «دۋينگ بيزنەس» رەيتينگىندە قازاقستان 190 ەلدىڭ ىشىندە 36 ورىندا تۇر. قازاقستان ە ى د ۇ ينۆەستيتسيالار جونىندەگى كوميتەتىنىڭ قاۋىمداستىرىلعان مۇشەسى سانالادى جانە حالىقارالىق ينۆەستيسيالار تۋرالى دەكلاراتسياعا قوسىلدى. ينۆەستورلارمەن جانە بيزنەسپەن ءوزارا ءتيىمدى ءىس- قيمىلدى جولعا قويۋ ماقساتىندا «قازاق ينۆەست» جانە «قازاق ەكسپورت» كومپانيالارى قۇرىلدى. پرەزيدەنت جانىنداعى شەتەل ينۆەستورلارى كەڭەسى جۇمىس ىستەيدى»، - دەدى ەلباسى.

مەملەكەت باسشىسى مەتاللۋرگيا، مۇناي وڭدەۋ، ماشينا جاساۋ، حيميا، ازىق-تۇلىك ونىمدەرىن ءوندىرۋ سىندى باسىمدىققا يە سالالاردا ينۆەستيتسيالىق جوبالاردى جۇزەگە اسىرۋ بارىسىندا كورپوراتيۆتىك، جەر جانە مۇلىك سالىعى الىنبايتىندىعىن ايتتى. سونىمەن قاتار مۇنداي جوبالارعا شەتەلدىك جۇمىس كۇشىن تارتۋ كۆوتاسىز جانە رۇقساتسىز جۇزەگە اسىرىلاتىندىعىن اتاپ ءوتتى.

«جەر قويناۋىن پايدالانۋعا ارنالعان ليتسەنزيالاردى الۋ جانە كەلىسىمشارتتار جاساسۋ ءتارتىبى جەڭىلدەتىلەدى. 11 ارنايى ەكونوميكالىق ايماق پەن 22 يندۋستريالىق ايماق جۇمىس ىستەيدى. اەا قاتىسۋشىلارى سالىقتىڭ جەڭىلدىكتەر مەن باسقا دا ارتىقشىلىقتار بەرىلەدى. فين كومپانيالارىن قازاقستاندا بيزنەس دامىتۋعا شاقىرامىز»، - دەدى نۇرسۇلتان نازاربايەۆ.

ەستەرىڭىزگە سالا كەتسەك، بۇگىن قازاقستان پرەزيدەنتى نۇرسۇلتان نازاربايەۆ رەسمي ساپارمەن فينلياندياعا كەلدى.

ساپار اياسىندا ەلباسى فين بيزنەس كاپيتاندارىمەن كەزدەستى.

ال ەرتەڭ نۇرسۇلتان نازاربايەۆتىڭ فينليانديا رەسپۋبليكاسىنىڭ پرەزيدەنتى ساۋلي نيينيستيەمەن شاعىن جانە كەڭەيتىلگەن قۇرامداعى كەزدەسۋى جوسپارلانىپ وتىر.

 

فوتو: akorda.kz