ريددەر كوشەلەرىندە ايۋلار ءجۇر

  استانا. قازاقپارات - ريددەر تۇرعىندارى قالانىڭ بىرنەشە ىقشام اۋدانىنان ايۋلاردى بايقاپ قالعان. بۇل تۋرالى altaynews.kz سايتى حابارلايدى.

قالا تۇرعىندارى ايۋلار بوتانيكا، ۋلباستروي جانە شۋبينكا ىقشام اۋداندارىندا جۇرگەنىن ايتقان.

بۇل تۋرالى اڭشىلار مەن بالىقشىلاردىڭ ريددەرلىك قوعامدىق بىرلەستىگىندە دە راستاپ وتىر. الايدا ولار ءۇشىن قالا ماڭىندا جىرتقىش اڭدى جولىقتىرۋ تاڭسىق نارسە ەمەس ەكەن.

جالپى ريددەر قالاسىنىڭ تۇرعىندارى ايۋدان بولەك، باسقا دا جابايى اڭداردى ءجيى كەزدەستىرەدى. سولاردىڭ اراسىندا مايماق اڭدار عانا ۇرەي تۋعىزاتىن كورىنەدى.

ولاردىڭ قالاعا تىم جاقىن كەلۋى ازىق ىزدەۋىمەن بايلانىستى بولۋى مۇمكىن. ازىرشە جىرتقىشتار وقىس مىنەز كورسەتە قويماعان.