قازاقستاندا العاش رەت بيزنەس جايلى رەاليتي- شوۋ وتكىزىلمەك
جوبانىڭ ماقساتى - قازاقستان جاستارىن كاسىپكەرلىكتى قالاي باستايتىنىن حاباردار ەتىپ، ولاردىڭ بيزنەسكە دەگەن قىزىعۋشىلىق دەڭگەيىن ارتتىرۋ ارقىلى ەلىمىزدە شاعىن جانە ورتا بيزنەس سەگمەنتىنىڭ دامۋىنا العىشارتتار جاساۋ.
بۇل باعدارلاماعا 18 جاستان 25 جاسقا دەيىنگى كەز- كەلگەن ادام قاتىسا الادى. ول ءۇشىن 2018 -جىلدىڭ 15 - جەلتوقسانىنا دەيىن osnovateli.kz جوباسىنىڭ رەسمي سايتىندا ءوتىنىم بەرۋ قاجەت.
ىرىكتەۋ قورىتىندىسى بويىنشا كەلەشەگى بار دەگەن 21 ەڭ جاقسى بيزنەس- جوبالار انىقتالاتىن بولادى. ولاردىڭ اۆتورلارى ءبىر ايى بويى تمد اۋماعىنداعى ەڭ مىقتى بيزنەس- ترەنەرلەردەن ءدارىس الادى. سونداي- اق، ءىرى قازاقستاندىق كاسىپكەرلەردىڭ قامقورلىعىمەن كونكۋرستىڭ قازىلار القاسىنىڭ ىرىكتەۋىنەن ءوتۋ ءۇشىن قورعاۋعا ارنالعان جوبالارىن دايىندايدى. قازىلار القاسى ەڭ ءتيىمدى دەگەن ءۇش جوبانى تاڭداپ الادى. ال ءبىرىنشى، ەكىنشى جانە ءۇشىنشى ورىن العان جوبانىڭ اۆتورلارى تيىسىنشە 10, 5 جانە 3 ميلليون تەڭگە جۇلدە الادى» ، - دەلىنگەن حابارلامادا.
كورەرمەندەر جوبالاردى دايىنداۋ مەن قورعاۋدىڭ بۇكىل پروتسەسىن جوبانىڭ YouTube ارناسىنداعى رەسمي ارناسىنان كورە الادى.
«وسنوۆاتەلي» جوباسى تولىقتاي جەكەمەنشىك جانە مەملەكەتتىك ۇيىمدارعا ەشقانداي قاتىسى بولماعانىمەن، ونى ق ر اقپارات جانە بايلانىس ءمينيسترى داۋرەن ابايەۆ قولدادى.
«بيزنەس - كەز- كەلگەن ەكونوميكانىڭ نەگىزى. سەبەبى ول حالىقتىڭ ءال- اۋقاتىن قامتاماسىز ەتەدى، ال كاسىپكەرلەر ورتا تاپتىڭ نەگىزىن قۇرايدى. بۇگىنگى تاڭدا قازاقستاندا بيزنەستى قولداۋعا ۇلكەن كۇش جۇمسالادى» ، - دەپ اتاپ ءوتتى ق ر اقپارات جانە بايلانىس ءمينيسترى داۋرەن ابايەۆ.
مينيستر بۇل جوبانىڭ تابىسقا جەتۋدى كوزدەگەن قازاقستاندىقتار ءۇشىن جاقسى باستاما بولاتىنىنا سەنىم ءبىلدىردى.