ادام ەنەرگياسى - گليۋكوزا

 استانا. قازاقپارات - «اجە، الدىمەن، جولاۋشىنى تاماقتاندىرىڭىز. كەيىن سۇراعىڭىزدى قويىڭىز» -  دەيدى يۆان مىستان كەمپىرگە تولستويدىڭ ەرتەگىسىندە.

يۆاننىڭ ءسوزىنىڭ جانى بار. ءبىز اش بولساق مي جۇمىسى ناشارلايدى، وعان تاعام جەتسىپەيدى دە، شەشىمى قيىن جاعدايلاردى ورىنداۋعا قابىلەتسىز بولا تۇسەدى. ميدىڭ باستى ازىعى -  گليۋكوزا. ءبىز ونى كۇندەلىكتى ىشەتىن تاماعىمىزدان الامىز. ميدىڭ تابەتى ءبىز ويلاعاننان الدەقايدا زور: ونىڭ سالماعى ادام سالماعىنىڭ تەك %2 بولسا دا، جۇمىسىنا اعزا جۇمسايتىن كالوريانىڭ %20 كەتەدى. ميدىڭ وزىنە ءتان قورى نەمەسە كەرەكتى زاتتاردى ساقتايتىن ارنايى ورنى جوق، سوندىقتان، وعان كۇندەلىكتى گليۋكوزانىڭ قاجەتتى مولشەرى ءتۇسىپ تۇرۋى ءتيىس. قالتقىسىز جۇمىس ىستەۋى ءۇشىن ميىمىزعا كۇندەلىكتى 120 گرامعا جۋىق گليۋكوزا كەرەك. بۇل 420 ككال- عا تەڭ.

گليۋكوزا دەگەن نە؟ گليۋكوزا -  بۇكىل ادام اعزاسىنا قاجەتتى امبەباپ (جالعىز ەمەس) ەنەرگيا كوزى. «گليكوليز» دەپ اتالاتىن كۇردەلى بيوحيميالىق ۇردەرىس ناتيجەسىندە گليۋكوزا قاراپايىم مولەكۋلالارعا ىدىرايدى. بۇل ءۇردىس كەزىندە الىنعان ەنەرگيا اتف ۇلگىسىندە قورعا اينالادى. بۇل -  بارلىق مەتوبوليكالىق ۇردەرىستەردىڭ قورەكتەندىرەتىن مولەكۋلانىڭ «باتارەياسى».

مي گليۋكوزادان ا ت ف- ءتى تەك قاجەتتى جاعدايدا وندىرەدى: مىسالى، كورۋ ايماعىنا قۋات كەرەك بولسا، ەنەرگياعا اينالاتىن قانت بەلسەندى تۇردە سول ايماققا جەتكىزىلەدى. ميعا كەرەك گليۋكوزا كيلوكالورياسىنىڭ (60-70 پايىزى) نەگىزگى بولىگى ميعا جۇيكە ءيمپۋلسىن اعزاعا جىبەرۋ ءۇشىن قاجەتتى. ودان بولەك، ەنەرگيانى نەيرومەدياتورلاردىڭ سينتەزىنە ءجيى جۇمسايدى. ۇزاق ۋاقىتتار بويىنا ءميدىڭ ءار بولىگىندە گليۋكوزا كونتسەنتراتسياسى بىردەي دەگەن تۇجىرىم بولاتىن. دەگەنمەن، سوڭعى جىلدارى ميدىڭ ءار بولىگىندە قانتتىڭ تارالۋىن ولشەيتىن ارنايى ادىستەر مەن تاسىلدەر پايدا بولدى.

گليۋكوزا تەك بەلگىلى ءبىر قىزمەت اتقاراۋعا ەنەرگيا جۇمساعان ايماققا قانا تۇسەتىنى انىقتالعان. گليۋكوزا قورىن تولتىرۋ ءۇشىن ۋاقىت كەرەك. قانتتى ادام ميىندا قالاي جۇمسالىپ جاتقانىن تەكسەرۋ ازىرگە مۇمكىن بولماسا دا، اشىققان ميدىڭ قاننان گليۋكوزانى قالاي تارتىپ الاتىنىن اڭعارۋ قيىن ەمەس. گليۋكوزانىڭ زات الماسۋ ءۇردىسى بۇزىلعان جاعدايدا اعزا عانا ەمەس، مي بولىكتەرى دە جۇمىسىن توقتاتادى. سوندىقتان، كەيدە ديەتاعا وتىرىپ، ءدارى- دارمەكتى قولدانار شاقتا ونىڭ اعزاعا بەرەتىن پايداسى مەن زيانىن دا ەسكەرىڭىز.

Massaget.kz