جاس قازاقستاندىقتار وتانىن شەتەلگە ايىرباستاۋعا قۇشتار ەمەس - زەرتتەۋ ناتيجەسى

 استانا. قازاقپارات - جاس قازاقستاندىقتاردىڭ كوبى ەل ىشىندە ءارى- بەرى كوشۋدى قولاي كورگەنىمەن، شەتەلگە قونىس اۋدارۋعا اسا قۇشتار ەمەس، دەپ حابارلايدى قازاقپارات ءتىلشىسى «جاستار» عىلىمي- زەرتتەۋ ورتالىعىنىڭ زەرتتەۋ ناتيجەسىنە سىلتەمە جاساپ.

عىلىمي- زەرتتەۋ ورتالىعىنىڭ قورىتىندىسىنا سۇيەنسەك، قازاقستاندا ساۋالناماعا قاتىسقان جاستاردىڭ 63,7 پايىزى جايلى ءومىر ءۇشىن شەتەلگە كوشىپ كەتۋگە دايىن ەمەس. تەك سۇرالعانداردىڭ 8,7 پايىزى عانا تۇراقتى مەكەنىن اۋىستىرىپ، ەلدەن كەتۋگە نيەت بىلدىرگەن.

«جاستاردىڭ كوشۋگە قۇشتارلىعىنىڭ نەگىزگى سەبەبى - الەۋمەتتىك مارتەبەسىن كوتەرۋگە دەگەن قۇلشىنىس. جاستاردىڭ 15,2 پايىزى تۇراقتى مەكەنىن اۋىستىرعىسى كەلگەنىمەن، ەل ىشىندە قالۋدى كوزدەيدى. وسى 15,2 پايىزدىڭ ىشىندەگى جاستاردىڭ 6,2 پايىزى ءوزى ءومىر ءسۇرىپ جاتقان وبلىستا قالۋعا نيەتتى. ال 9 پايىزى قازاقستاننىڭ باسقا ايماقتارىندا ءومىر سۇرگىسى كەلەدى» ، - دەگەن شەشىمگە كەلگەن زەرتتەۋشىلەر.

 كوپ جاعدايدا قازاقستاندىق جاستار ت م د ەلدەرىنە كوشۋگە نيەت بىلدىرەدى.