قىتايلىق قىز ميلليونداعان كورەرمەنگە ءانۇران ايتامىن دەپ تۇرمەدەن ءبىر- اق شىقتى

None
None
استانا. قازاقپارات - قىتايلىق تانىمال بلوگەر يان كايلي مەملەكەتتىك ءانۇراننىڭ بىرنەشە جولىن قالجىڭمەن ورىنداعاننان كەيىن قاماۋعا الىندى.

20 جاستاعى قىتايلىق بويجەتكەن بىرنەشە ميلليون ادام تىركەلگەن Huya قىزمەتى ارقىلى تىكەلەي ەفير جۇرگىزگەن. وندا ول ءانۇراندى ورىنداۋ كەزىندە قولىن سەرمەپ، قيساڭداپ مەملەكەتتىك رامىزدەرىن مازاق قىلدى.

ال بۇل جازبانى پوليتسەيلەر كورىپ، قىزدى بەس تاۋلىككە قاماۋعا الدى. شاڭحاي قۇقىق قورعاۋ ورگاندارىنىڭ قىزمەتكەرلەرى كايليدىڭ قىتايدىڭ مەملەكەتتىك ءانۇرانى تۋرالى زاڭىن بۇزعانىن ايتتى.

«مەملەكەتتىك ءانۇران ەلىمىزدىڭ نىشانى، بارلىق ازاماتتار ونى قۇرمەتتەۋگە جانە ونىڭ قادىر- قاسيەتىن قورعاۋعا ءتيىس. ستريمينگتىك قىزمەتتەر زاڭنان جوعارى ەمەس، وندا دا ەرەجەلەر مەن مورالدىق نورمالار بار»، - دەپ اتاپ ءوتتى ۆەدومستۆو وكىلدەرى.

سونداي- اق، Huya وكىلدەرى دە بلوگەردىڭ جاعدايىنا نازار اۋداردى. ولار داۋ تۋدىرعان ۆيدەونى ءوشىرىپ، بويجەتكەننىڭ ارناسىن بۇعاتتاپ تاستادى.

كوپ ۇزاماي بلوگەر جانكۇيەرلەرىنەن كەشىرىم سۇراپ، «اقىماق قاتەلىگى» ءۇشىن ۇيالاتىنىن مالىمدەدى. وسىنداي جاعدايعا تاپ بولعان كايلي ءانۇراندى قاسيەتتى دەپ اتاپ جانە ەندى تىكەلەي ەفير جۇرگىزبەيتىنىن ايتتى.

Stan.kz

سوڭعى جاڭالىقتار