باقىتتى وتباسىن قۇرۋدىڭ جولدارى

استانا. قازاقپارات - كۇن سايىن اجىراسۋ حابارىن ەستۋ ۇيرەنشىكتى جاعدايعا اينالدى.

كۇشتى، بەرىك ماحابباتپەن ۇيلەنىپ، 2 ايدان كەيىن اجىراسىپ جاتاتىندار ەندى ەشكىمدى تاڭ قالدىرمايدى.

اينالامىزدا العاشقى كۇندەگىدەي ءبىر- بىرىنە عاشىق، باقىتتى جاندار كۇن سايىن ازايۋدا. باقىتتى وتباسىن قۇرۋ ءۇشىن تومەندەگى سىرلارعا اسا ءمان بەرۋىمىز كەرەك :

- ەرلى- زايىپتىلار كەيدە بولماشى نارسەگە ۇرىسىپ-كەرىسىپ جاتاتىنى ءسوزسىز. ونداي كەزدە ەڭ ماڭىزدىسى جۇپتاردىڭ تىم قاتتى اشۋلانباۋى، شەكتەن اسپاۋى جانە كۇتپەگەن ارەكەتتەر جاساماۋى قاجەت. ەگەر جۇبايىڭىز اشۋلى بولسا، ءسىز جۇمساق مامىلە جاساڭىز، كوڭىلىن جايلاندىرۋعا، اشۋىن باسۋعا تىرىسىڭىز. كەرى قايتارىلمايتىن سوزدەر مەن ءىس-ارەكەتتەردەن ساقتانىڭىز!

- «ءبىر ۇرىس كەزىندە ماعان داۋىس كوتەردى» دەپ ءسىز دە ۇرىسۋدان ساقتانىڭىز! ۇرىسۋمەن ەشنارسە شەشىلمەيدى.

- ەگەر داۋلاسۋدان مىندەتتى تۇردە بىرەۋى جەڭۋ كەرەك بولسا، زايىبىڭىز جەڭسىن! ماحابباتتىڭ بيلىككە تالاساتىن سوعىس ەمەس ەكەنىن ويلاپ ارەكەت ەتىڭىز!

- ەشقاشان بۇرىنعى جاساعان قاتەلىكتەرىن زايىبىڭىزعا قايتا-قايتا ايتىپ ەسىنە تۇسىرمەڭىز! بۇگىنگە دەيىن ەشكىم وتكەندى كەرى قايتارا الماعان جانە ەسكىنى تۇزەتە الماعان.

- نە ءۇشىن ۇيلەنگەنىڭىزدى ۇمىتپاۋىڭىز كەرەك. قۋانىش پەن قايعىڭىزدى ءبولىسۋ ءۇشىن، ومىردەن ەكى ەسە ارتىق ءلاززات الۋ ءۇشىن ۇيلەنگەن جوقسىز با؟

- سوزدەرىڭىزدىڭ بولىمدى، سۇيىسپەنشىلىككە تولى جانە سالماقتى بولۋىنا ءمان بەرىڭىز! ايتپەسە ەشنارسەگە جارامايدى.

- ءبىر جوسپار قۇرعان كەزدە جۇبايىڭىزبەن اقىلداسپاساڭىز، ونىڭ پىكىرىن سۇراماساڭىز نەمەسە جورا- جولداستارىڭىزعا ودان دا ارتىق ۋاقىت بولسەڭىز، قاتە جولدا ءجۇرسىز دەگەن ءسوز.

- كۇنىنە ەڭ از ءبىر رەت ومىرلىك جارىڭىزعا ادەمى ءسوز ايتىڭىز! جۇبايىڭىزدىڭ سىزدەن ادەمى ءسوزدى ەستىگەن كەزدە قانداي باقىتتى بولاتىنىن بايقادىڭىز با؟

- قاتەلىك جاساساڭىز قاتەڭىزدى مويىنداڭىز جانە كەشىرىم سۇراڭىز. قاتەلىك جاساۋىڭىز دۇنيەنىڭ سوڭى ەمەس. بارىنەن ماڭىزدىسى - قاتە جىبەرگەنىڭىزدى ءتۇسىنۋىڭىز.

- ۇيدەگى تىنىشتىقتىڭ ەڭ نەگىزگى قاعيدالارىنىڭ ءبىرى - سىرتتاعى ادامدارمەن قالاي سىپايى جانە جاقسى مامىلەدە بولساڭىز، ەڭ بولماسا سونىڭ جارتىسىن جانۇياڭىزعا كورسەتۋىڭىز!