قازاق ادەبيەتى انتولوگياسىنىڭ ورىس تىلىندەگى نۇسقاسىن ماسكەۋ مەمۋنيۆەرسيتەتى شىعارماق

None
None
استانا. قازاقپارات - 16 -قازاندا ماسكەۋدە «رۋحاني جاڭعىرۋ» باعدارلاماسىن جۇزەگە اسىرۋ جونىندەگى ۇلتتىق كوميسسيا مەن «جاھاندانۋ الەمىندەگى زاماناۋي قازاقستاندىق مادەنيەت» جوباسىنىڭ رەسەيلىك سەرىكتەسى اراسىندا ىنتىماقتاستىق تۋرالى مەموراندۋمعا قول قويىلدى.

ناقتىراق ايتساق، «قازىرگى قازاق پروزاسىنىڭ انتولوگياسى» مەن «قازىرگى قازاق پوەزياسىنىڭ انتولوگياسىن» ورىس تىلىنە اۋدارىپ، باسىپ شىعارۋعا م. لومونوسوۆ اتىنداعى ماسكەۋ مەملەكەتتىك ۋنيۆەرسيتەتىنىڭ باسپا ءۇيى، سونداي-اق رەسەي جازۋشىلار وداعىنىڭ ماسكەۋ قالالىق ۇيىمى اتسالىسادى.

قازىرگى زامانعى قازاق ادەبيەتىنىڭ ۇزدىك ۇلگىلەرى جيناعىن ب ۇ ۇ- نىڭ 6 تىلىنە اۋدارۋ قازاقستان رەسپۋبليكاسىنىڭ پرەزيدەنتى ن. ءا. نازاربايەۆتىڭ باستاماسىمەن قولعا الىنعان «رۋحاني جاڭعىرۋ» باعدارلاماسى اياسىندا جۇزەگە اسىپ جاتقانى ءمالىم. باعدارلامانىڭ ماڭىزدى باعىتتارىنىڭ ءبىرى - «جاھاندانۋ الەمىندەگى زاماناۋي قازاقستاندىق مادەنيەت» . ونىڭ ماقساتى - زاماناۋي قازاق ادەبيەتىنىڭ، مۋزىكاسى مەن بەينەلەۋ ونەرىنىڭ جاۋھارلارىن، كينو مەن تەاتر، حورەوگرافيا سالاسىنىڭ تاۋەلسىزدىك جىلدارىنداعى تابىستارىن دۇنيە جۇزىنە تانىستىرۋ.

مەموراندۋمعا قول قويۋ ءراسىمى قازاقستاننىڭ رەسەيدەگى ەلشىلىگىندە، قازاقستان رەسپۋبليكاسىنىڭ رەسەي فەدەراتسياسىنداعى توتەنشە جانە وكىلەتتى ەلشىسى ي. ن. تاسماعامبەتوۆ پەن «ۇلتتىق اۋدارما بيۋروسىنىڭ» ديرەكتورى ر. كەنجەحان ۇلىنىڭ قاتىسۋىمەن ءوتتى. قازاقستان تاراپىنان مەموراندۋمعا «رۋحاني جاڭعىرۋ» باعدارلاماسىن جۇزەگە اسىرۋ جونىندەگى ۇلتتىق كوميسسيانىڭ حاتشىسى ايدا بالايەۆا قول قويدى.

null 

ءراسىم بارىسىندا ا. بالايەۆا:

- قازاقستاننىڭ بۇرىننان سەنىمدى سەرىكتىگى، ارىپتەسى ماسكەۋ مەملەكەتتىك ۋنيۆەرسيتەتى مەن رەسەي جازۋشىلار قاۋىمىنىڭ ورتالىق ايماقتاعى ءىرى ۇيىمىنىڭ مول تاجىريبەسى مەن جوعارى بەدەلىنىڭ ارقاسىندا جوبامىزدىڭ ءساتتى جۇزەگە اساتىنىنا، ياعني قازاق ادەبيەتىنىڭ ورىس تىلىنە اۋدارماسىنىڭ ساپاسى جوعارى بولاتىنىنا ءارى باسىلىم ورىس ءتىلدى كەڭىستىكتە كەڭ تارالاتىنىنا سەنىمدىمىن، - دەپ جىلى لەبىزىن ءبىلدىردى.

ءوز كەزەگىندە ماسكەۋ مەملەكەتتىك ۋنيۆەرسيتەتى جانىنداعى باسپا ءۇيىنىڭ ديرەكتورى الەكساندر ۆەراكسا ۋنيۆەرسيتەت باسپاسى جوبانىڭ ءساتتى جۇزەگە اسۋىنا وقۋ ورنىنىڭ تالاي جىلعى تاجىريبەسىنە ارقا سۇيەپ بار كۇشتەرىن سالاتىنىن جەتكىزدى. ال، رەسەي جازۋشىلار وداعى ماسكەۋ قالالىق ۇيىمىنىڭ ءتوراعاسى ۆلاديمير بويارينوۆ اۋدارمانى انتولوگياعا دايىنداۋ بارىسى قازاقستان مەن رەسەي قالامگەرلەرى اراسىنا التىن ارقاۋ بولىپ، ءوزارا مادەني ىقپالداستىققا وڭ اسەرىن تيگەزەتىنىنە ءۇمىتى زور ەكەنىن ايتتى.

مەموراندۋمدا كورسەتىلگەن ىنتىماقتاستىق اياسىندا رەسەي جازۋشىلار وداعىنىڭ ماسكەۋ قالالىق ۇيىمى ادەبي جيناقتارعا سۇرىپتالعان شىعارمالاردىڭ كوركەم اۋدارماسىمەن جانە ونى رەداكسيالاۋمەن اينالىسادى. ال، ماسكەۋ مەملەكەتتىك ۋنيۆەرسيتەتىنىڭ باسپا ءۇيى انتولوگيانى باسىپ شىعارۋدى، سونداي-اق ونىڭ ءورىستىلدى وقىرماندارعا تاراتۋدى، ناسيحاتتاۋدى ۇيىمداستىرادى.

جوبا تۋرالى ايتا كەتكەن ءجون. قازىرگى زامانعى قازاق ادەبيەتىنىڭ جاۋھارلارىن ب ۇ ۇ- نىڭ 6 تىلىنە (اعىلشىن، اراب، يسپان، قىتاي، ورىس، فرانسۋز تىلدەرى) اۋدارۋ «جاھاندانۋ الەمىندەگى قازاقستاندىق مادەنيەت» جوباسى اياسىندا قولعا الىنىپ وتىر. جوبا، ءوز كەزەگىندە، قازاقستان پرەزيدەنتى ن. ءا. نازاربايەۆ باستاماشى بولعان «رۋحاني جاڭعىرۋ» باعدارلاماسىنىڭ اۋقىمدى باعىتتارىنىڭ ءبىرى سانالادى.

جوبانىڭ ماقساتى - دۇنيە جۇزىنە ادەبيەت، مۋزىكا، بەينەلەۋ ونەرى، حورەوگرافيا، كينو جانە تەاتر سالالارىنداعى تاۋەلسىزدىك جىلدارى قول جەتكىزگەن جەتىستىكتەرىمىزدى تانىستىرىپ، مەيلىنشە كەڭ ناسيحاتتاۋ. قازىرگى قازاق ادەبيەتىنىڭ قوس انتولوگياسىن دايارلاۋ بويىنشا ۇيىمداستىرۋ جۇمىستارى الدەقاشان باستالىپ كەتتى.

ولاردىڭ بىرەۋى - «قازىرگى قازاق پروزاسىنىڭ انتولوگياسى»، ەكىنشىسى - «قازىرگى قازاق پوەزياسىنىڭ انتولوگياسى» دەپ اتالادى. ءار انتولوگيانىڭ كولەمى - شامامەن 600 بەت. ءارقايسىسىنا 30 اۆتوردان ەنەدى. انتولوگيانىڭ مازمۇنى مەن قۇرىلىمى قازاقستان جازۋشىلار وداعىندا وتكەن ارنايى ماجىلىستە بەكىتىلگەن.

بۇگىنگى تاڭدا جوبانىڭ بارلىق باستى سەرىكتەستەرىمەن كەلىسسوزدەر اياقتالىپ كەلەدى. مىسالى، باسىلىمنىڭ اعىلشىن تىلىندەگى نۇسقاسىن ازىرلەۋگە كەمبريدج ۋنيۆەرسيتەتىنىڭ باسپاسى، يسپان تىلىندەگىسىنە - يسپانيانىڭ مادەنيەت مينيسترلىگى جانە سەرۆانتەس ينستيتۋتى، فرانسۋز تىلىندەگىسىنە - پاريج مەرياسى مەن فرانسيانىڭ ۇلتتىق كىتاپ ورتالىعى قاتىسادى. ال قىتاي تىلىندەگى نۇسقاسى دايارلاۋعا ق ح ر ۇلتتار باسپاسى اتسالىسادى.

null

سوڭعى جاڭالىقتار