16:50, 16 - قازان 2018 | GMT +6
وزبەكستانداعى قازاقستان ەلشىسى قاراجات جىمقىرۋ قىلمىسىنا كۇدىكتەلۋدە
استانا. قازاقپارات - وزبەكستانداعى قازاقستان ەلشىسى بيۋدجەت قاراجاتىن جىمقىرۋ بويىنشا كۇدىككە ءىلىندى.
بۇل تۋرالى استانادا وتكەن بريفينگتە ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگىنىڭ رەسمي وكىلى جاننا باستاروۆا ءمالىم ەتتى، دەپ حابارلايدى قازاقپارات.
«سىبايلاس جەمقورلىققا قارسى ءىس- قيمىل ۇلتتىق بيۋروسىمەن اسا ءىرى كولەمدە بيۋدجەت قاراجاتىن جىمقىردى دەگەن كۇدىكپەن وزبەكستانداعى قازاقستان ەلشىسى اشكەرە بولدى. ول جاۋاپتى مەملەكەتتىك لاۋازىمدى اتقارا وتىرىپ، وزبەكستانداعى ق ر ەلشىلىگىنىڭ اكىمشىلىك عيماراتىنىڭ قۇرىلىسى بويىنشا اتقارىلعان جۇمىستار تۋرالى جالعان اكتىلەرگە قول قويدى دەپ كۇدىكتەلۋدە» ، - دەدى رەسمي وكىل.
بەلگىلى بولعانداي، بۇل زاڭسىز ارەكەتتەر سالدارىنان كەلتىرىلگەن شىعىن كولەمى 140 ميلليون تەڭگەدەن اسقان.