پاريجدەگى ايگىلى «عاشىقتار قابىرعاسىندا» قازاقشا جازبا پايدا بولدى

None
None
 استانا. قازاقپارات - پاريجدىڭ باستى كورنەكىلىكتەرىنىڭ ءبىرى «عاشىقتار قابىرعاسىندا» قازاق تىلىندەگى «مەن سەنى سۇيەمىن» جازباسى پايدا بولدى دەپ حابارلايدى NUR. KZ.

«مەن سەنى سۇيەمىن» دەگەن سوزدەر 311 تىلدە جازىلعان جازبالار اراسىندا تۇر. دەگەنمەن ول وڭاي وقىلادى جانە كورىنەتىن جەردە ورنالاسقان.

قازاق تىلىندەگى جازۋ قابىرعانىڭ ورتاڭعى بولىگىنىڭ جوعارعى جاعىندا جازىلعان. باسقا جازبالارعا قاراعاندا كوپ ورىن الىپ تۇر.

«عاشىقتار قابىرعاسىن» 2000-جىلى تاريح بويىنشا ونەر ورتالىعى بولىپ تابىلاتىن مونمارتر دوڭىندە سۋرەتشى كلەر كيتو مەن كالليگراف فەدەريك بارون ويلاپ تاۋىپ، جۇزەگە اسىرعان.



بۇل جەردە رەنۋار، ۆان گوگ، پيكاسسسو جانە تاعى باسقا ۇلى سۋرەتشىلەر ءومىر سۇرگەن.

سونىمەن قاتار، بۇكىل الەمگە تانىمال مۋلەن رۋج كابارەسى مەن ساكرە-كەر شىركەۋى دە وسى مونمارتردا ورنالاسقان. سوندىقتان، بۇل جەرگە كەلگەن تۋريستەردىڭ بارلىعى «عاشىقتار قابىرعاسىنا» ايالداماي كەتپەيدى.

 

سوڭعى جاڭالىقتار