قازاننان باستاپ جەكە تۇلعا دەپوزيتىنىڭ مولشەرلەمەسى وزگەردى - قازاقستان ۇلتتىق بانكى
قازاقستان ۇلتتىق بانكىنىڭ باسشىسى ۇكىمەت وتىرىسىندا ۇلتتىق بانكتىڭ التىن ۆاليۋتا رەزەرۆتەرى قىركۇيەكتىڭ سوڭىندا الدىن الا دەرەكتەر بويىنشا 30 ميلليارد ا ق ش دوللارى، ۇلتتىق قوردىڭ اكتيۆتەرى 56,3 ميلليارد ا ق ش دوللارى بولعانىن حابارلادى. جالپى حالىقارالىق رەزەرۆتەر 86,4 ميلليارد ا ق ش دوللارىن قۇراعان.
«وسى جىلدىڭ 8 ايىندا دەپوزيتتەر 1 پايىزعا 17,7 تريلليون تەڭگەگە دەيىن ءوستى. ۇلتتىق ۆاليۋتامەن دەپوزيتتەردىڭ ءوسىمى 4,1 پايىزدى كورسەتىپ، 380 ميلليارد تەڭگەگە جەتتى. شەتەل ۆاليۋتاسىمەن دەپوزيتتەر 2,5 پايىزعا نەمەسە 210 ميلليارد تەڭگەگە قىسقاردى. ناتيجەسىندە، دەپوزيتتەردى دوللارلاندىرۋ 46 پايىزعا دەيىن تومەندەدى. 1- قازاننان باستاپ جەكە تۇلعالاردىڭ دەپوزيتتەرى بويىنشا ەڭ جوعارى مولشەرلەمەلەردى انىقتاۋ ءتاسىلى وزگەردى. مولشەرلەمەلەر سالىمنىڭ مەرزىمى جانە تۇرلەرى بويىنشا جىكتەلەدى»، - دەدى د. اقىشەۆ.
دانيار اقىشەۆ سونداي-اق، كرەديتتەۋ نارىعى قالپىنا كەلىپ جاتقانىن اتاپ ءوتتى.
«بانكتەردىڭ كرەديتتەرى جىل باسىنان باستاپ تامىزدا 2,5 پايىزعا 13 تريلليون تەڭگەگە دەيىن ۇلعايدى. قايتا قۇرىلىمداۋدان وتكەن جانە ليتسەنزياسىنان ايىرىلعان بانكتەردىڭ كرەديت پورتفەلىن ەسەپتەمەگەندە ەكونوميكانى كرەديتتەۋدىڭ جىلدىق ءوسىمى 11,6 پايىزعا نەمەسە 1,3 تريلليون تەڭگەگە باعالانادى. اعىمداعى جىلعى 8 ايدا جاڭا كرەديت بەرۋ 28,1 پايىزعا نەمەسە 1,9 تريلليون تەڭگەگە ءوستى. كاسىپورىندارعا تەڭگەمەن كرەديتتەر بويىنشا مولشەرلەمە جىل باسىنداعى 13,2 پايىزدان 2018-جىلعى تامىزدا 12,2 پايىزعا دەيىن تومەندەدى»، - دەدى ول.
ەسكە سالا كەتسەك، دانيار اقىشەۆ بۇعان دەيىن جىل سوڭىنا دەيىن ينفلياتسيا دەڭگەيى 5-7 پايىزدىق نىسانالى دالىزدە ساقتالاتىنىن ايتتى.
سونداي-اق، مەرزىمدى دەپوزيتتەن اقشانى ەرتە العاندارعا ايىپپۇل سالىنادى.