بۇگىن قازاقستاننىڭ باسىم بولىگىندە اۋا رايى قۇبىلمالى بولادى

استانا. قازاقپارات - بۇگىن رەسپۋبليكانىڭ باسىم بولىگىندە قۇبىلمالى اۋا رايى ساقتالىپ، جاۋىن-شاشىن بولادى.

ەلدىڭ وڭتۇستىك، وڭتۇستىك-شىعىس بولىگىنىڭ كەي جەرلەرىندە نوسەر جاۋىن جاۋىپ، تەك وڭتۇستىك-باتىستا اسپان اشىق بولادى. كەي جەرلەردە جەل كۇشەيىپ، تۇمان، كوكتايعاق كۇتىلەدى.

بۇل تۋرالى قازگيدرومەتكە سىلتەمەمەن «قازاقپارات» ح ا ا حابارلايدى.

جامبىل وبلىسىنىڭ كەي جەرلەرىندە تۇمان، كوكتايعاق كۇتىلەدى، جەلدىڭ جىلدامدىعى 15-20 م/س، تۇندە ەكپىنى 23-28 م/س بولادى، وبلىستىڭ وڭتۇستىك-باتىسىندا 30 م/س جانە ودان دا اسادى.

اقمولا، قوستاناي، قاراعاندى، پاۆلودار، شىعىس قازاقستان، قىزىلوردا وبلىستارىنىڭ كەي جەرلەرىندە تۇمان، كوكتايعاق بولىپ، جەلدىڭ جىلدامدىعى 15-20 م/س- عا جەتەدى، شىعىس قازاقستان وبلىسىندا جەل ەكپىنى 25 م/س- عا جەتەدى.

الماتى، تۇركىستان وبلىستارىنىڭ كەي جەرلەرىندە تۇمان ءتۇسىپ، جەلدىڭ جىلدامدىعى 15-20 م/س- عا جەتەدى.

اتىراۋ، سولتۇستىك قازاقستان وبلىسىنىڭ كەي جەرلەرىندە تۇمان بولادى.