07:07, 16 - قازان 2018 | GMT +6
قازاقستان پرەزيدەنتى جاس حوككەيشىلەردى اقتوبەدە مۇز سارايى اشىلۋىمەن قۇتتىقتادى
اقتوبە. قازاقپارات - نۇرسۇلتان نازاربايەۆ اقتوبە قالاسىنداعى مۇز سارايىن ارالاپ كوردى، دەپ حابارلايدى قازاقپارات اقوردانىڭ باسپا ءسوز قىزمەتىنە سىلتەمە جاساپ.
ەلباسى مەملەكەت - جەكەشەلىك ارىپتەستىك اياسىندا سلوۆاكيا ينۆەستورلارىنىڭ قاتىسۋىمەن سالىنعان قالاداعى جاڭا مۇز سارايىنا باردى.
قازاقستان پرەزيدەنتى جاس حوككەيشىلەردى جانە بارشا اقتوبەلىكتەردى مۇز سارايىنىڭ اشىلۋىمەن قۇتتىقتاپ، شايباعا ەستەلىك قولتاڭبا قالدىردى.
جالپى اۋماعى 8500 شارشى مەتر بولاتىن سپورت كەشەنى جىل بويى حوككەيدەن، شورت-ترەكتەن، مانەرلەپ سىرعاناۋدان، باسكەتبولدان، شاعىن فۋتبولدان، بوكستان، ۇلكەن تەننيستەن، گيمناستيكادان كاسىبي جارىستار وتكىزۋگە، سونداي-اق كونكيمەن جاپپاي سىرعاناۋعا مۇمكىندىك بەرەدى. ارەنا 2500 دەن استام كورەرمەنگە ارنالعان.
ەسكە سالا كەتسەك، كەشە مەملەكەت باسشىسى نۇرسۇلتان نازاربايەۆ جۇمىس ساپارىمەن اقتوبەگە كەلدى.