قوقىس جاشىگىنە قانداي قالدىقتى سالۋعا بولمايدى؟

استانا. قازاقپارات - قالدىقتار قازاقستان بويىنشا الماتى مەن استانادا عانا وڭدەلەدى.

رەسپۋبليكادا تۇرمىستىق جانە باسقا دا قالدىقتاردى ەسەپكە الۋ، ولاردى زالالسىزداندىرۋ مەن كومۋ شارالارى وتە ناشار دامىعان.

الماتىدا كۇنىنە 1500 توننا قوقىس شىعارىلادى، جىلىنا جارتى ميلليوننان اسا قوقىس توگىلەدى. مۇنداي قالدىقتار ەشقانداي قورشاۋسىز اشىق اسپان استىندا جاتىر. قورشاعان ورتاعا زيان كەلتىرمەۋ ءۇشىن ءار تۇرعىننىڭ قوقىستى دۇرىس تاستاۋدى بىلگەنى ءجون. كەي زاتتاردى كوقىس جاشىگىنە لاقتىرۋ قاۋىپتى.

ولاردىڭ كوبى ۋتيليزاتسيانى قاجەت ەتەدى. مىسالى، ءدارى- دارمەك، تەرمومەتر، تىرناق بوياۋى، دەزودورانت، باتارەيا، كارىز جۇيەسىن تازالايتىن قۇرال، پەستيتسيد پەن گەربيتسيد، مايلى بوياۋلار، مەتالعا ارنالعان پوليرول، ەرىتكىشتەر، انتيفريز، موتور مايى، ترانسميسسيالىق سۇيىقتىق، ءتۇرلى حيميالىق پرەپارات، بۇزىلعان ەلەكترونيكا، ليۋمينەستسەنتتى شامدار قورشاعان ورتاعا ورازان زور قاۋىپ توندىرەدى.

سونىمەن قاتار مەديتسينالىق ينە ءتارىزدى ۇشكىر زاتتاردى دا قوقىس جاشىگىنە تاستاۋعا بولمايدى. ولاردى دا ارنايى ۋتيليزاتسياعا جونەلتۋ قاجەت نەمەسە كومۋ كەرەك. قاۋىپتى قالدىقتاردان قالاي قۇتىلۋعا بولادى؟

1. اۆتوكولىك اككۋمۋلياتورى قاجەتىڭىزگە جاراماسا، ونى اۆتومەحانيككە نەمەسە اۆتوبولشەكتەر ساتاتىن دۇكەنگە اپارساڭىز بولادى.

2. پرينتەر كارتريدجى دە - ۋىتتى زات. پرينتەر وندىرۋشىلەر كارتريدجدى ادەتتە ارنايى سومكەسىمەن بىرگە شىعارادى. ۋتيليزاتسيالاۋ ءۇشىن سول سومكەنى پايدالانۋ كەرەك.

3. باتارەيالاردى باسقا قالدىقتار ءتارىزدى تاستايتىن بولساڭىز، جەراستى سۋلارى لاستانادى. باتارەيالار قايتا وڭدەلەدى، سول سەبەپتى ولاردى جەرگىلىكتى ۋتيليزاتسيا ورتالىعىنا جونەلتە الاسىز.

4. قولدانىلعان انتيفريز مەحانيكتەردىڭ كادەسىنە جاراۋى مۇمكىن. سۇيىقتىقتى پلاستيك بوتەلكەگە قۇيىپ بەرسەڭىز بولادى.

5. موتور مايى دا - قاۋىپتى زات. قولدانىلعان مايدى پلاستيكالىق بوتەلكەلەردە نەمەسە باسقا كونتەينەرلەردە ساقتاي الاسىز. ادەتتە ولاردى اۆتوسەرۆيس ورتالىقتارى قابىلدايدى.

6. ۋايت سپيرت ءتارىزدى ەرىتكىشتەر مەرزىمى وتكەننەن كەيىن قۇرعاي باستايدى.

ەگەر تەجەگىش سۇيىقتىعى سياقتى ەرىتكىشتەردى تاستاۋ كەرەك بولسا، قالدىقتاردى ءبىر رەتتىك اليۋميني قۇتىعا قۇيىڭىز. سودان كەيىن ونى مىسىق وتىرعان قۇممەن تولتىرىڭىز. بۇل وپەراتسيانى ۇيدەن تىس جەردە ورىنداڭىز.

ەرىتكىش كەپكەننەن كەيىن بانكىنى قوقىس جاشىگىنە لاقتىرۋعا بولادى. ەگەر بىرنەشە ەرىتكىشتەن ارىلۋ كەرەك بولسا، ءبارىن ارالاستىرماڭىز، ۋلى گاز پايدا بولۋى ابدەن مۇمكىن.

دەرەككوز: baribar.kz