نەگە قىزدار اكەسىنە جاقىن؟
اسىرەسە، بۇل تۇركى ەلدەرى مەن شىعىس ازيا ەلدەرىندە ءجيى سۇرانىسقا يە. دەگەنمەن، ەر ازاماتتار ۇلدى قالاعانىمەن، قىزدارىنا دەگەن ماحابباتى باسىم كەلەدى.
سونىمەن، ونىڭ سىرى نەدە؟ بۇل سۇراققا جاۋاپ بەرەتىن ەر ازاماتتاردى ۇشكە بولۋگە بولادى: ءبىرىنشى ساناتتاعىلار - بۇل سۇراق توڭىرەگىندە مۇلدەم ويلانباعاندار. ەكىنشى ساناتقا جاتاتىندار - ۇلدارىنىڭ كوپ بولعانىن ارماندايتىندار. بۇل وتباسىنىڭ جالعاسى، مۇراگەرىم، «تۇياعىم» دەگەن تۇسىنىكپەن تىكەلەي بايلانىستى.
ءۇشىنشىسى شىنىمەن ۇلدى بولۋدى ارماندايتىندار. ولار ۇلى دۇنيەگە كەلە سالا دوستارىمەن ۋاقىت وتكىزۋدى توقتاتادى. ۇلىمەن بىرگە سەرۋەندەپ، ونىمەن فۋتبول ويناپ، ارنايى جاتتىعۋلارعا بارادى. ناعىز ەر ازاماتقا ءتان دوستىق قارىم-قاتىناستى ورناتۋ ءۇشىن تىرىسادى.
كوپ جاعدايدا ءوزى جەتپەگەن جەتىستىكتى ۇل بالاسىنىڭ بولاشاعىنا ءىلىپ قوياتىندار از ەمەس. دەگەنمەن، اكە قىزى دەسە جانى شىعا جازداپ، ولارعا ماحابباتپەن، اسقان نازىكتىكپەن قاراپ، ەركەلەتۋگە قۇمار بولادى؟
بىرىنشىدەن، قىز بالاسى ءارقاشان قامقورلىقتى تالاپ ەتەدى. بۇل ەر ازاماتقا ءوزىن ءارقاشان جاس سەزىنۋگە ءارى كۇشتى ەكەنىن ۇعۋعا مۇمكىندىك بەرەدى.
ەكىنشىدەن، ادام جانى سۇلۋلىققا قۇمار بولسا، قىز بالاسىنىڭ سۇلۋلىعى - قۇدىرەتتى كۇش. ۇشىنشىدەن، قىز بالالار كەرى جاۋاپ قاتا الادى. قامقورلىق پەن نازىكتىككە قاجەتتى مولشەردە جاۋاپ بەرەدى. وزدەرى اڭعارماسا دا، ەر ازاماتتار ءوز قىزدارىنان ناعىز سۇلۋلىق ەتالونى مەن مىنسىزدىكتى تاربيەلەۋگە تىرىسادى. ارينە، جارى بار بايلىعى، ءبىراق، قىزدارى ەر ازاماتتىڭ ناعىز قازىناسى. سوندىقتان دا، قىزداردىڭ اكەگە دەگەن ماحابباتى شەكسىز بولادى.