ەجەلگى ادەبيەت «ولىلەر كىتابى» ءباسساۋدادا ساتىلدى
كىتاپ 192 تاراۋدان تۇرادى جانە 17 مەترلىك پاپيروسقا جازىلعان. كونە جادىگەر قارا جانە قىزىل ءتۇستى سۋرەتتەرمەن بەزەندىرىلگەن. سۋرەتتەردە وسيريس سارايىنداعى ولگەندەردىڭ جانى مەن سوڭعى ءومىرى بەينەلەنگەن.
ەجەلگى ەگيپەت ادەبيەتىنىڭ بۇل ۇلگىسى وسى ۋاقىتقا دەيىن فرانسيادا تۇراتىن ازاماتتارعا تيەسىلى بولىپ كەلگەن. پاپيرۋستى اتى اتالماعان جەكە كوللەكسيونەر ءباسساۋدادا 1,35 ميلليون ەۋروعا ساتىپ العان. ساراپشىلاردىڭ پىكىرىنشە، كىتاپ وتە جاقسى ساقتالعان.
ايتا كەتەيىك، ەجەلگى ەگيپەتتەگى «ولىلەر كىتابى» - ولگەن ادامعا و دۇنيە سىناعىنان سۇرىنبەي وتۋگە كومەكتەسۋ ءۇشىن قابىرگە قويىلعان مىسىردىڭ ۇراندارى مەن ءدىني ماتىندەرىنىڭ جيناعى. ولىلەر كىتابىنىڭ ءارتۇرلى كوشىرمەلەرى ۇزىن پوەتيكالىق گيمندەردەن باستاپ ءبىرتۇتاس سيقىرلى فورمۋلالارعا دەيىنگى ءارتۇرلى، جۇزدەن ەكى ءجۇز تاراۋعا جەتەدى. «ولىلەر تۋرالى كىتاپ» دەگەن اتاۋدى ەگيپەتولوگ ر. لەپسيۋس بەرگەن، ءبىراق ونىڭ ءتۇپنۇسقا اتاۋى - «راۋ نۋ پەرەت ەم حەرۋ». اۋدارماسى «كۇننىڭ جارىعىنا جەتۋ تۋرالى تاراۋلار» دەگەندى بىلدىرەدى. ەندەشە كىتاپتى «قيامەت كىتابى» دەپ اتاعان دۇرىس.