جاڭادان سالىناتىن ستۋدەنتتەر جاتاقحاناسىنىڭ باعاسى قانداي بولماق
بۇعان دەيىن حابارلاعانىمىزداي، مەملەكەت باسشىسىنىڭ ءۇشىنشى الەۋمەتتىك باستاماسىن ىسكە اسىرۋ شەڭبەرىندە بۇگىن ق ر ءبىلىم جانە عىلىم مينيسترلىگىندە ستۋدەنتتەر جاتاقحانالارىن جاڭا ورىندارمەن قامتاماسىز ەتۋ بويىنشا مەملەكەتتىك تاپسىرىسقا بايلانىستى وتىرىس ءوتتى.
جيىن بارىسىندا 2019 -جىلدان باستاپ ەلىمىزدە ج و و- داعى جاتاقحانا جەتىسپەۋشىلىگى شەشىلەتىنى سونىمەن قاتار ونىڭ قالاي سالىناتىنى جانە ستۋدەنتتەرگە قانداي باعامەن بەرىلەتىنى دە ءسوز ەتىلدى.
«ءبىزدىڭ ورتالىق جاتاقحانانى سالۋشىلارعا اقىنى ءار ورىن ءۇشىن تولەيدى. جاڭادان سالىناتىن جاتاقحانانىڭ تولەماقىسى ەكى كورسەتكىشپەن قاراستىرىلعان، ءبىرى ايىنا 122 ا ە ك، ياعني ءبىر جىلدا ءبىر ورىن ءۇشىن 313 تەڭگە تولەيدى، ال ەكىنشى كورسەتكىش قايتا جوندەۋدەن وتكەن جاتاقحانالارعا ارنالعان، ول بويىنشا 47 ا ە ك، جىلىنا 120 مىڭ تەڭگەنى قۇرايدى»، - دەدى قارجى ورتالىعى ا ق پرەزيدەنتى اسقار يبرايموۆ.
اتالعان جوباعا ەلىمىزدەگى كەز كەلگەن جوعارى وقۋ ورنى قاتىسا الادى، بۇگىنگى وتىرىس بارىسىندا ءبىلىم جانە مينيسترلىگى مەن ەلىمىزدىڭ 7 ج و و اراسىندا 2019 -جىلدان باستاپ جاتاقحانامەن قامتاماسىز ەتۋ جونىندەگى كەلىسىمگە قول قويىلدى. جىل سوڭىنا دەيىن تاعى 20 ج و و- مەن كەلىسىم جاسالادى دەپ كۇتىلۋدە.
«ستۋدەنتتەرىنە قيىنعا تۇسپەۋ ءۇشىن جاتاقحانا باعاسىن مەيلىنشە تومەندەتەتىن ج و و بار، كەرىسىنشە نارىقتىق جاعدايمەن باعانى قوياتىن دا ج و و بار. جاتاقحانا نارىعى اشىق تۇردە بولادى جانە ستۋدەنتكە جاتاقحانانى تاڭداۋ ەركى بەرىلەدى. ياعني، ءوزى تۇراتىن جاتاقحانا ۇناماعان جاعدايدا باسقا جاتاقحانانى تاڭداي الادى. بۇل ءوز كەزەگىندە جاڭا جاتاقحانالاردىڭ باسەكەگە قابىلەتتىلىگىن ارتتىرادى دەپ ويلايمىز»، - دەدى ول.
جاتاقحانا قۇرىلىسىن سالۋعا جەكە ينۆەستورلار دا قاتىسا الادى، سونىمەن قاتار جاڭا جاتاقحانالاردان بولەك قولدانىستاعى جاتاقحانالار دا قايتا جوندەۋدەن ءوتىپ پايدالانۋعا بەرىلەدى.
«قۇرىلىستى سالۋشىلارعا قويىلاتىن باستى تالاپ - نىساننىڭ بەلگىلەنگەن ماقساتپەن عانا قولدانىلۋى، ياعني قۇرىلىستى سالۋشى كەم دەگەندە 20 جىل جاتاقحانانى تەك قانا ستۋدەنتتەردىڭ پايدالانۋى ءۇشىن بەرۋى ءتيىس. دەگەنمەن قۇرىلىستى سالۋشىنىڭ مەنشىكتىك قۇقىعى ساقتالادى. جاتاقحانانى سالۋشىلار مەن ج و و جاتاقحانانامەن قامتاماسىز ەتىپ قانا قويماي، وعان ستۋدەنتتەردى دۇرىس جايعاستىرۋعا دا جاۋاپتى. ياعني، ستۋدەنتتىڭ سول جاتاقحانادا تۇرعىسى كەلەتىندەي جاعداي جاسالۋى ءتيىس»، - دەدى ا. يبرايموۆ.
ەسكە سالا كەتسەك، 2018 -جىلعى ناۋرىز ايىنداعى نۇرسۇلتان نازاربايەۆتىڭ «پرەزيدەنتتىڭ بەس الەۋمەتتىك باستاماسى» اتتى حالىققا جاريالاعان ۇندەۋىندە «جوعارى ءبىلىم الۋدىڭ قولجەتىمدىلىگى مەن ساپاسىن ارتتىرىپ، ستۋدەنت جاستاردىڭ جاتاقحاناداعى جاعدايىن جاقسارتۋ» جونىندە ايتىلعان بولاتىن.