قازاق راديولارىنا جاڭا باسشى تاعايىندالدى

استانا. قازاقپارات - بەلگىلى جۋرناليست قۇرمانبەك جۇماعالي «قازاق راديولارى» ج ش س باس ديرەكتورى قىزمەتىنە تاعايىندالدى، دەپ حابارلايدى قازاقپارات قازاق راديولارىنىڭ سايتىنا سىلتەمە جاساپ.

قۇرمانبەك جۇماعالي 1985 -جىلى 7 -تامىزدا دۇنيەگە كەلگەن. 2008 -جىلى اباي اتىنداعى قازاق ۇلتتىق پەداگوگيكالىق ۋنيۆەرسيتەتىن ءتامامداعان. ەڭبەك جولىن 2006 -جىلى «قازاقستان» ۇلتتىق تەلەراديوكومپانياسىنىڭ رەداكتورلىق ءبولىمىنىڭ شتاتتان تىس رەداكتورى بولىپ باستاعان.

2004-2007 -جىلدارى ق. جۇماعالي - «قازاقستان» ر ت ر ك» ا ق- دا باعدارلامالاردىڭ رەداكتور - جۇرگىزۋشىسى؛ 2007-2013 -جىلدارى «قازاقستان» ر ت ر ك» ا ق- نىڭ اقپاراتتىق باعدارلامالار ديرەكسياسىنىڭ پروديۋسەرى، «حابار» اگەنتتىگى» ا ق قورىتىندى جاڭالىقتار جۇرگىزۋشىسى بولىپ قىزمەت ەتتى.

2013-2014 -جىلدار ارالىعىندا قاراعاندى وبلىسى اكىمدىگى باسپا ءسوز قىزمەتىنىڭ باسشىسى، قاراعاندى وبلىسى اكىمىنىڭ كەڭەسشىسى؛ 2014-2015 -جىلدارى «قازاقستان» ر ت ر ك» ا ق- نىڭ اقپاراتتىق- ساراپتامالىق باعدارلامالار ديرەكسياسىنىڭ ديرەكتورى، «سەنبىلىك كەزدەسۋ» توك-شوۋىنىڭ جۇرگىزۋشىسى؛ 2015 -جىلى «قازاقستان» ر ت ر ك» ا ق ايماقتىق دامىتۋ ديرەكسياسىنىڭ ديرەكتورى بولدى.

2016 -جىلى قازاقستان حالقى اسسامبلەياسىنىڭ قورى ق ق ديرەكتورى، 2017 -جىلى «الماتى» تەلەارناسى باس ديرەكتورىنىڭ ءبىرىنشى ورىنباسارى قىزمەتتەرىن اتقارعان. ال، 2017 -جىلدىڭ جەلتوقسان ايىنان باستاپ ماڭعىستاۋ وبلىستىق ىشكى ساياسات باسقارماسىنىڭ باسشىسى بولدى.

بۇعان دەيىن «قازاق راديولارى» ج ش س باس ديرەكتورى قىزمەتىن ءمادي ماناتبەك اتقارعان بولاتىن.

ايتا كەتەيىك، «قازاق راديولارى» ج ش س قاراستى 4 راديو بار: «قازاق راديوسى»، «استانا»، «شالقار» جانە «كلاسسيك».