ۇرىلار ءبىر ءۇيىر جىلقىنى قوستانايدان رەسەيگە ايداپ كەتكەن

قوستاناي. قازاقپارات - قوستاناي وبلىسىنىڭ اكىمى ارحيمەد مۇحامبەتوۆ مال ۇرلىعىنىڭ الدىن الۋعا بايلانىستى اتقارۋشى ورگاندارعا تاپسىرما بەردى، دەپ حابارلايدى «قازاقپارات» ح ا ا ءتىلشىسى.

مال ۇرلىعىنىڭ دەندەپ كەتۋى وبلىس تۇرعىندارىنا ايتارلىقتاي قيىندىق تۋعىزۋدا. وبلىستىق ءى ءى د باستىعىنىڭ ورىنباسارى بولاتبەك جۇماعاليەۆتىڭ ايتۋىنشا، جىل باسىنان بەرى مال ۇرلىعىمەن اينالىسىپ جۇرگەن 9 قىلمىستىق توپ ۇستالعان. ولار 44 مارتە ۇرلىق جاساعان.

«قاڭتار ايىنان باستاپ وڭىردە 538 مال ۇرلاندى. ولاردىڭ 215 ى نەمەسە 40 پايىزدايى يەلەرىنە قايتارىلدى. قالعان قىلمىستاردىڭ بەتىن اشۋ مۇمكىن بولماي تۇر. سوندىقتان تۇرعىندارعا وزدەرىنىڭ تۇلىكتەرىنە GPS- قۇرىلعى ورناتۋعا كەڭەس بەرەمىز. بۇل وتە قىمبات ەمەس، قولجەتىمدى باعادا ساتىلادى»، - دەدى بولاتبەك جۇماعاليەۆ.

وسى جىلدىڭ قىركۇيەك ايىندا دەنيسوۆ اۋدانىنىڭ سينەگورسك اۋىلىندا «پروستورى» ج ش س- نا تيەسىلى 47 -جىلقى ۇرلاندى. شىعىن كولەمى - 8,4 ميلليون تەڭگە. جەدەل-ءىز كەسۋ شارالارى بارىسىندا جىلقىلاردىڭ رەسەيگە ءوتىپ كەتكەنى انىقتالدى. ۇرىلار چەليابى وبلىسىنىڭ ۆارنەنسكي اۋدانىنا ايداپ الىپ كەتكەن. وسىنداي جاعداي جانگەلدين اۋدانىنىڭ قالام- قاراسۋ اۋىلىندا دا بولدى. ايماق باسشىسى ارحيمەد مۇحامبەتوۆ مال ۇرلىعىنا ءاتۇستى قاراۋعا بولمايتىنىن ايتىپ، جەرگىلىكتى پوليتسيا مەن اتقارۋشى بيلىك ورگاندارىنا ءتيىستى شارالاردى قابىلداۋ كەرەكتىگىن تاپسىردى.

«جالپى، شالعاي جاتقان ەلدى مەكەندەردەگى ۇرلىق-قارلىق جەرگىلىكتى اتقارۋشى بيلىكتىڭ سالعىرتتىعىنان بولادى. اۋىلدا شوعىرلانىپ جاتقان فابريكا، زاۋىتتار جوق. باستى كىرىس كوزى - مال شارۋاشىلىعى. جەرگىلىكتى اكىمدەر كەز كەلگەن قوجالىقتىڭ جاعدايىن بىلەدى. مالدىڭ قاي جەردە جايىلاتىنى دا انىق. جاڭاعى «پروستورى» ج ش س-نى مىسالعا الايىق. شىعىن كولەمى 8,4 ميلليون دەگەنمەن كەلىسپەيمىن. سەبەبى، سول ۇرلانعان جىلقىلاردىڭ بارلىعى 200 مىڭنان تۇرمايدى. ودان دا قىمبات. تاعى دا ەسكەرتەمىن، شارۋا قوجالىقتارىنا GPS- قۇرىلعىلاردىڭ پايداسىن تۇسىندىرىڭىزدەر. بۇل باعىتتا پوليتسەيلەرمەن بىرىگىپ، جۇمىس ىستەۋ كەرەك. مال ۇرلىعىمەن كۇرەس باعىتىنداعى ءىس-شارالاردى كۇشەيتىڭىزدەر»، - دەپ تاپسىردى اكىم.

وبلىستا قوستاناي، دەنيسوۆ، اۋليەكول، تاران اۋداندارى مەن ارقالىق قالاسىندا مال ۇرلىعى كوبەيگەن. قىلمىستىڭ الدىن الۋ شارالارىنىڭ ءبىرى - چيپ ورناتۋ.

ماماندار مال شارۋاشىلىعى يەلەرىنە تاڭبالاۋدىڭ ءداستۇرلى ادىستەرىمەن بىرگە ەلەكتروندى چيپتى قولدانۋعا كەڭەس بەرەدى. چيپپەن قامتاماسىز - ەتۋ مالدىڭ سانىن باقىلاۋ مۇمكىندىگى، سەبەبى چيپتى سىرعا سەكىلدى الىپ تاستاۋ مۇمكىن ەمەس. ءبىر سوزبەن ايتقاندا، بۇل - جانۋاردىڭ پاسپورتى. يەسى ۇيىندە وتىرىپ، تۇلىكتەرىنىڭ باعىت-باعدارىن باقىلاپ وتىرادى.