ادامنىڭ سپورتتىق قابىلەتىنە گەنەتيكانىڭ اسەرى بار ما

None
None
استانا. قازاقپارات - ادامنىڭ بەلگىلى ءبىر قابىلەتتەرى مەن ەرەكشەلىكتەرىنە گەنەتيكانىڭ اسەر ەتەتىنى، ونىڭ گەنمەن بەرىلەتىنى بەلگىلى.

ВВС Earth باسىلىمىندا جاريالانعان ماقالادا سپورتتىق قابىلەتتەرگە گەنەتيكانىڭ اسەرى تۋرالى ءسوز بولىپ، اۆتور الەمدەگى ەڭ مىقتى سپورتشىلاردىڭ قۇپياسىن انىقتاۋعا تىرىسىپتى.

«ۋسەين بولت وتە جىلدام جۇگىرەدى. ال مايكل فەلپستىڭ ۇستازى مىقتى ما، الدە ونىڭ جۇزۋدەگى ەرەكشە قابىلەتى مەن قۇشتارلىعى گەنمەن بەرىلدى مە؟ گەنەتيكالىق تەستىلەر ادامنىڭ سپورتتىق ونىمدىلىگىن انىقتاپ بەرە الا ما؟»، دەپ جازادى اۆتور.

ماقالا اۆتورى كەز كەلگەن جاعدايدا تاجىريبەنىڭ كوپ ءرول اتقاراتىنىن ايتا كەلە، سپورت ءتۇرىن تاڭداۋ ءۇشىن اسەر ەتەتىن ودان باسقا دا كوپتەگەن فاكتورلار بولاتىنىن العا تارتادى. ءتىپتى، ادام تۋعانىنان- اق سول سپورتقا بەيىم بولۋى دا مۇمكىن ەمەس پە؟ دەگەنمەن، سپورتتىق قابىلەتتەردىڭ گەنەتيكالىق اقپاراتتا ساقتالۋ مۇمكىندىگى جاي يدەيا رەتىندە دە عىلىم ءۇشىن قىزىق بولىپ وتىر.

«ءار ادامدا وعان ءارتۇرلى اسەر ەتەتىن دنق قۇرىلىمى بولادى. دەگەنمەن، دنق ادامعا اسەر ەتپەي قويمايدى. ياعني، گەنەتيكانىڭ بەيىمدىلىگىن انىقتاۋ ارقىلى ادامنىڭ فيزيكالىق قابىلەتتەرىن دە بىلۋگە بولادى. ءبىراق گەندى تەكسەرۋ قىمبات تۇراتىندىقتان، وعان ەكىنىڭ ءبىرىنىڭ قولى جەتە بەرمەيدى»، دەلىنگەن ماقالادا.

بۇدان بولەك، اۆتور ادام دەنەسىنىڭ ءۇش ءتيپى بار ەكەنىن جانە ونىڭ ءارقايسىسى فيزيكالىق دايىندىق پەن ديەتالاردى ءارتۇرلى قابىلدايتىنىن ايتادى. ياعني، اۆتوردىڭ سوزىنە قاراعاندا، تابىستى سپورتشىعا اينالۋ ءۇشىن دايىندىقتى وسى تيپتەرگە سايكەستەندىرىپ جۇرگىزۋ كەرەك.

«مىقتى سپورتشى بولۋ ءۇشىن دنق تۋرالى ءبىلۋ ازدىق ەتەدى. دەگەنمەن، كوپ جاعدايدا ءار سپورت تۇرىندەگى تاجىريبە دەڭگەيى مەن تەحنيكا ارقىلى ءسىز ءوزىڭىزدىڭ گەنەتيكاڭىزعا ساي كەلەتىن جاتتىعۋلاردى انىقتاي الاسىز»، دەپ تۇيىندەيدى اۆتور.

سوڭعى جاڭالىقتار