قازاق ك س ر- ىندەگى كوپتى تامساندىرعان اكتريسالار كىمدەر؟
وتكەن عاسىردىڭ «سيمۆولدارىنا» اينالعان ونەر يەلەرىنىڭ كوزى ءتىرى بولعاندا قازىر دە قىزىل كىلەمنىڭ كوركىن قىزدىرار ەدى. ەندەشە، جۇرتتى تامساندىرعان قازاقتىڭ سۇلۋلارى تۋرالى Comode.kz سايتى جازادى.
1. گۇلفايرۋس يسمايلوۆا
العاش رەت كاسىبي سۋرەتشى مەن ونەر قايراتكەرى بولعان ول - ەسىمى بيبىگۇل تولەگەنوۆا مەن ايشا گاليمبەتوۆا سىندى تۇلعالارمەن قاتار تۇرعان كەڭەس زامانىنداعى قازاق ايەلى.
كۇلپاش قوناربايەۆا 1929-جىلى بەدەلدى وتباسىندا دۇنيەگە كەلەدى. XX عاسىردىڭ وتىزىنشى جىلدارى اكەسى ساياسات قۇربانىنا اينالىپ، سوتتالىپ كەتكەن.
قىزىن قوعام قىسىمىنان قۇتقارۋ ءۇشىن ونىڭ جانۇياسى قۇجاتتاردى اۋىستىرۋدى ءجون كورىپتى.
گۇلفايرۋس ەسىمىن قىزدىڭ ءوزى تاڭداسا، تەگىن وگەي اكەسى بەرىپتى.
بويجەتكەن سوڭ ول العاش رەت گوركي اتىنداعى كينوستۋديادان «اديلەت ۋحوديت ۆ گورى» فيلمىنە تۇسۋگە شاقىرتۋ الادى. ءدال وسى فيلمنەن سوڭ بويجەتكەن اتاقتى بولىپ ويانادى. ءتىپتى، ءستاليننىڭ ءوزى گۋلفايرۋستىڭ سۇلۋلىعىنا تاڭدانعان ەكەن.
كەيىننەن يسمايلوۆا كوپتەگەن ءساتتى كارتينالاردا ويناعان. ءار فيلمنەن سوڭ ونىڭ تانىمالدىلىعى ارتىپ تا وتىرىپتى.
ءوز تالانتىنىڭ ارقاسىندا ول بولاشاق جۇبايى ەۆگەنيي سيدوركينمەن تانىسىپ، جالعىز ۇلى ۆاديمدى بوسانادى.
2. ءامينا ءومىرزاقوۆا
اتى اڭىزعا اينالعان تۇلعا ءوزىنىڭ سالقىن قاندى سۇلۋلىعىمەن كوپتىڭ كوڭىلىنەن شىققان. الايدا ونىڭ تابىستى كەزەڭى انا ءرولىن سومداعان ساتتەن باستالىپتى. ءساتتى شىققان انانىڭ وبرازى ونى بارشا حالىقتىڭ سۇيىكتىسىنە اينالدىرعان.
ءامينا اۋىلدا كولحوزشىنىڭ وتباسىندا دۇنيەگە كەلەدى. ونىڭ ءسابي كەزىندە اكەسى قايتىس بولىپ، بارلىق جۋاپكەرشىلىكتى ۇلكەن اعاسى قاپتاعاي ءوز موينىنا العان.
ولاردىڭ الماتىعا قونىس اۋدارۋى ءامينانىڭ تالانتىن اشۋىنا كومەكتەسەدى.
ول لەنينگرادتاعى تەاتر ينستيتۋتىن اياقتاعان سوڭ قازاقستاننىڭ ءتۇرلى قالالارىنداعى تەاترلاردا جۇمىس ىستەگەن.
ارتىنشا ءامينا «قازاق فيلم» كينوستۋدياسىنا مونتاجداۋشى بولىپ جۇمىسقا كىرەدى.
سول جاقتا كوزگە تۇسكەن اكتريسا «پەسن ابايا» فيلمىندە قىزدىڭ اناسىنىڭ ءرولىن وينايدى.
سودان سوڭ قازاق كينوسىنىڭ التىن قورىندا ساقتالعان «تاقيالى پەرىشتە» فيلمى مەن باسقا كارتينالار دا وعان ابىروي اكەلەدى.
ءومىرزاقوۆانىڭ جەكە ءومىرى ءساتتى بولعان. ول كاماسي ءومىرزاقوۆقا تۇرمىسقا شىعىپ، ءۇش بالا دۇنيەگە اكەلگەن.
3. مەرۋەرت وتەكەشوۆا
مەرۋەرت وتەكەشوۆا كوپكە «قىز جىبەك» فيلمىندەگى رولىمەن تانىس.
بويجەتكەن مەكتەپ بىتىرە سالىپ كينوعا ءتۇسۋ تۋرالى ۇسىنىستى العان.
ال اتالعان كارتيناداعى رولىنەن كەيىن وتەكەشوۆا اۋەزوۆ تەاترىنا كەتىپ، ەپيزودتىق رولدەردى ويناپ جۇرگەن.
سۇلۋلىعىنا ءسوز جەتپەس ارۋ بولسا دا مەرۋەرت وتەكەكشوۆا تەك ءبىر فيلممەن عانا تانىلىپ قالا بەردى.
ول «قىز جىبەك» فيلمىندە باستى ءرولدى سومداعان قۇمان تاستانبەكوۆكە تۇرمىسقا شىعىپ، ودان ەكى قىز بەن ءبىر ۇل سۇيگەن.
4. رايسا مۇحامەدياروۆا
50-جىلدىڭ سوڭىندا مەكتەپ بىتىرگەن رايسا «پەسنيا زوۆەت» فيلمىنەن سوڭ ويدا-جوقتا تانىمال بولىپ كەتتى. ونى جاس كەزىندە دجينا لوللوبريدجيدا دەپ اتاعان.
ءوزىنىڭ اكتەرلىك قابىلەتىنە قاراماستان، ول اباي اتىنداعى قازاق مەملەكەتتىك پەداگوگيكالىق ينستيتۋتىن «اعىلشىن ءتىلى ءپانى مۇعالىمى» ماماندىعى بويىنشا بىتىرگەن.
رايسانىڭ ومىرلىك ماحابباتى عابيت مۇسىرەپوۆ بولعان. ولار كەزدەسكەندە رايسانىڭ جاسى 23-تە، عابيت مۇسىرەپوۆ 60 جاستا بولعان ەكەن.
رايسا ودان ەكى قىز بوسانىپ، ارتىنشا تەاترعا قايتا جۇمىس ىستەمەك بولىپتى. وسى كەزدە جۇبايلاردىڭ اراسىندا ۇرىس باستالعان.
ولار اجىراسىپ كەتسە دە، ولەرىنىڭ الدىندا مۇسىرەپوۆ رايسانى شاقىرتىپ، كورىپ كەتىپتى.
5. ناتاليا ورىنباساروۆا
ناتاليا قازاق جىگىتى مەن پولياك قىزىنان تۋىلعان. ول 1946-جىلى ماسكەۋ قالاسىندا دۇنيەگە كەلگەن.
10 جاسقا تولعاندا وتباسىمەن قازاقستانعا كەلگەن ارۋ بىردەن ءبي مەكتەبىنە بارادى. جاسى 19 عا كەلگەندە ول شىڭعىس ايتماتوۆتىڭ رومانى بويىنشا تۇسىرىلەتىن «پەرۆىي ۋچيتەل» فيلمىنە تۇسۋگە شاقىرتۋ الادى.
وسى ءرولى ءۇشىن دە جاس اكتريسا ءتۇرلى ماراپاتقا يە بولادى.
ناتاليا تۇسكەن فيلمدەر تىزىمىندە 56 كارتينا بار. اكتريسا ءۇش رەت تۇرمىسقا شىققان.