قىتايلىق بانك وكىلى العاشقى قاردان كەيىنگى استانانىڭ سۇلۋلىعىنا تاڭداندى
وعان ۇلتتىق ەكونوميكا ءمينيسترى تيمۋر سۇلەيمەنوۆ، «استانا» حالىقارالىق قارجى ورتالىعى باسشىسى قايرات كەلىمبەتوۆ جانە ت. ب. ءبىرقاتار شەنەۋنىكتەر قاتىستى.
قىتاي مەملەكەتتىك دامۋ بانكىنىڭ باستى وكىلى ليۋ تاونىڭ ايتۋىنشا، اتالمىش شارا ەكى ەل ەكونوميكاسىنىڭ دامۋىنا تىڭ سەرپىلىس بەرمەك.
«قازاقستان 26 جىلدا زور جەتىستىككە جەتتى. قىتايدىڭ مەملەكەتتىك دامۋ بانكى سىزدەرمەن بىرگە ءوزارا جۇمىس جاساۋعا دايىن. قازاقستان مەن قىتاي اراسىنداعى ىنتىماقتاستىق بۇدان ءارى دە نىعايا تۇسەتىنىنە سەنىمدىمىن»، - دەدى شەتەلدىك بانك وكىلى.
سونىمەن بىرگە ول، استانا جايلى دا ءوز پىكىرىمەن ءبولىستى.
«استانا ءبىز ويلاعاننان دا سۋىق قالا ەكەن. كەشە استانادا العاش رەت قار جاۋدى. كەرەمەت كورىنىس. قارلى استانا تىپتەن ادەمى كورىنەدى ەكەن»، - دەدى قىتايلىق بانك وكىلى.
ايتا كەتەيىك، قىتايداعى مەملەكەتتىك دامۋ بانكىنىڭ وكىلدىگى «استانا» حالىقارالىق قارجى ورتالىعىندا تىركەلگەن ەدى. 2018-جىلدىڭ ماۋسىم ايىنداعى كورسەتكىشكە سايكەس، قىتايلىق بانك بولگەن نەسيە سوماسى 20,2 ميلليارد ا ق ش دوللارىن قۇراعان.