سينوپتيكتەر الداعى تاۋلىكتەردەگى اۋا رايى تۋرالى ايتتى

استانا. قازاقپارات - سينوپتيكتەر قازاقستان اۋماعىنىڭ باسىم بولىگىندەگى جاۋىن-شاشىندى اۋا رايى 16-18- قازان كۇندەرى دە ساقتالاتىنىن بولجاپ وتىر، دەپ حابارلايدى قازاقپارات قازگيدرومەتكە سىلتەمە جاساپ.

«الداعى ءۇش كۇندە قازاقستان اۋماعىندا اۋا رايىندا وزگەرىس بولمايدى. بۇرىنعىسىنشا، ورال ايماعىنان بىرىنەن سوڭ ءبىرى جىلجىپ كەلە جاتقان اۋا اعىندارىنىڭ ىقپالىندا بولادى. سوندىقتان دا رەسپۋبليكا وبلىستارىنىڭ كوپشىلىگىندە جاڭبىر، قار جاۋادى، وڭتۇستىكتەگى تاۋلاردا جانە وڭتۇستىك-شىعىستا كەي جەرلەردە كۇشتى جاۋىن-شاشىن، كوكتايعاق بولادى، تۇمان تۇسەدى»، - دەلىنگەن حابارلامادا.

كوپ وڭىرلەردە اۋا تەمپەراتۋراسى تۇندە 0 گرادۋستان مينۋس 8°س- قا دەيىن تومەندەيدى، ال كۇندىز 0،.. .+8، وڭتۇستىك وبلىستاردا +2...+13-اينالاسىندا بولادى.

«بۇل كليماتتىق نورمادان 3.. .6°س تومەن»، - دەيدى سينوپتيكتەر.