تولە بيگە ارنالعان تەلەفيلمنىڭ ءتۇسىرىلىمى اياقتالۋعا جاقىن
كينولەنتانىڭ باس رەجيسسەرى باتىرحان داۋرەنبەكتىڭ ايتۋىنشا، بۇل - كىشكەنتاي ۇلدىڭ دانا ءارى ءادىل تورەشىگە جانە ۇلى بيگە قالاي اينالعانى تۋرالى باياندايتىن 10 سەريالى تۋىندى. كارتينا كەلەسى جىلدىڭ ءساۋىر ايىندا كورسەتىلە باستايدى. بۇل شايقاس ورداباسى ەلدى مەكەنىندە 18 - عاسىردا وتكەن.
ابىلاي باسقارعان قازاق باتىرلارىنىڭ اسكەرى جوڭعارلاردى تالقانداپ، سوققى بەرەدى. قولباسشىنىڭ ءوزى جاۋدىڭ اسكەرىن باسقارعان شارىشپەن جەكپە- جەكتە كەزدەسەدى. بۇل - قازاقتىڭ ۇلى ءبيى تولە تۋرالى فيلم كورىنىستەرىنىڭ ءبىرى. ونى تۇسىرۋگە 70-كە جۋىق ادام جۇمىلدىرىلعان. كورىنىستى جاساۋشىلار تولە ءبيدىڭ ءومىرىن بوياماسىز قاز قالپىندا كورسەتپەك. سوندىقتان ءتۇسىرىمدى باستاماس بۇرىن ولار باس كەيىپكەردىڭ ءومىربايانىن، ونىڭ تۇلعاسىن، تاريحي وقيعالاردى، كيىمدەردى، قارۋ- جاراقتپەن ساۋىت- سايمانداردى دا قاز قالپىندا كورسەتۋدى العا قويعان. ءتىپتى سول ءداۋىردىڭ جىلناماسىن مۇقيات مەڭگەرۋگە تۋرا كەلدى.
باتىرحان داۋرەنبەك، فيلمنىڭ باس رەجيسسەرى:
- تولە ءبيدىڭ شىن مانىندە قانداي دانا ءارى ادىلەتتى ساياساتكەر بولعانىن كورسەتكىمىز كەلەدى. ول توعىز جاسىندا- اق دۇرىس شەشىمدەر قابىلداپ، سونىڭ ارقاسىندا «بالا بي» اتانعان. ءارى قاراي ونىڭ قالاي وسكەنىن، ادامداردى تاتۋلاستىرىپ، قانتوگىستى توقتاتا الاتىن ۇلى بيگە اينالعانىن كورسەتپەكپىز. فيلمدە قايعىلى وقيعالار، اشتىق، ءوزارا تارتىس، جەر داۋلارى بار. ءبىز تولە ءبيدىڭ ءارقاشان ءادىل شەشىم تاباتىنىن كورەمىز.
ساعىندىق ءجۇمادىل، باستى رولدە ويناۋشى:
- ول بىرىنشىدەن، دانىشپان، ال دانىشپان ادامنىڭ تۇلعاسىن سومداۋ ءارقاشان قيىن. نەگە؟ سەبەبى ونىڭ سان قىرلى ۇلىلىعىن، اقىلدىلىعىن جاي عانا سوزدەرمەن جەتكىزۋگە بولمايدى. ونى سەزىنۋ كەرەك، باسىڭنان وتكەرۋ كەرەك. بۇل تۇرعىدان العاندا، ءرولدى ويناۋ جانە وسىنداي بەينەنى سومداۋ قيىن.
سەريالدى جاساۋ ماقساتىندا، اتاپ ايتقاندا، كورەرمەندەرگە «جەتى جارعى» زاڭدار جيناعىنىڭ اۆتورلارىنىڭ ءبىرى، ۇلى بي تۋرالى بايانداۋ جانە شىنايى ادامي قۇندىلىقتارىن كورسەتۋ ءۇشىن ورتاق يدەياعا بىرىككەن ۇلكەن ۇجىم جۇمىس ىستەۋدە.
ساتىبالدى نارىمبەتوۆ، كوركەمدىك جەتەكشى:
- بىزدە ەجەلدەن كەلە جاتقان ماتەل بار: «ءتىل تاس جارادى، تاس جارماسا، باس جارادى. داۋدى شىن توقتاتادى، ءسوزدىڭ كۇشى تۋرالى فيلم. كورىنىستەردىڭ نەگىزگى بولىگى تولە بي اۋدانىندا، ءبىر بولىگى قاپشاعايدا جانە تۇركىستاندا ءتۇسىرىلدى، ال قازىر ءتۇسىرۋ توبى «ورداباسىنىڭ» ەتەگىندە جۇمىس ىستەپ جاتىر. مۇندا سوعىس سيۋجەتى بار ەڭ كۇردەلى كورىنىستەر تۇسىرىلۋدە. تاعى بىرنەشە وقيعانى تاشكەنتتە ءتۇسىرۋ جوسپارلانىپ وتىر. سوندىقتان قاراشا ايىنا قاراي فيلمنىڭ ءتۇسىرىلىمى تولىق اياقتالماق.
ال اۆتورلار ءوز يدەيالارىن قانشالىقتى ىسكە اسىرا العاندىعىن كورەرمەندەر الداعى جىلدىڭ ءساۋىر ايىندا باعالاي الادى.
www.24.kz