قازاقستاننىڭ اسكەري- تەڭىز كۇشتەرى كورەيادا تەڭىز فلوتى جارىسىنا قاتىسىپ جاتىر

استانا. قازاقپارات - قازاقستاننىڭ اسكەري دەلەگاتسياسى Ⅲ حالىقارالىق تەڭىز فلوتى جارىسىنا قاتىسىپ جاتىر، دەپ حابارلايدى قازاقپارات قورعانىس مينيسترلىگىنىڭ باسپا ءسوز قىزمەتىنە سىلتەمە جاساپ.

قازاقستاندىق دەلەگاتسيا كورەيا رەسپۋبليكاسىنىڭ چەدجۋ ارالىندا ءوتىپ جاتقان Ⅲ حالىقارالىق تەڭىز فلوتىنىڭ جارىسىنا باقىلاۋشى رەتىندە قاتىسىپ جاتىر. قازاقستاندىق كومانداعا ق ر  ق ك اسكەري- تەڭىز كۇشتەرىنىڭ باس قولباسشىسى، 1-دارەجەلى كاپيتان ساكەن بەكجانوۆ جەتەكشىلىك ەتتى.

 III حالىقارالىق تەڭىز فلوتىنىڭ بايقاۋى كورەيا رەسپۋبليكاسى قارۋلى كۇشتەرى قۇرىلۋىنىڭ 70 جىلدىعىنا وراي وتكىزىلۋدە. كورەيالىق تاراپ قاتىسۋشىلار مەن سايىس قوناقتارى ءۇشىن ءبىرقاتار ءىس- شارالار ۇيىمداستىردى. وقۋ كورسەتىلىمى مەن كورەيا رەسپۋبليكاسى، يندونەزيا، كانادا، ۆەتنام، مالايزيا، اۋستراليا جانە جاپونيا تەڭىز فلوتى كورابلدەرىنىڭ مەرەكەلىك شەرۋى بولدى. ودان باسقا، ق ر ءا ت ك دەلەگاتسياسى تەڭىز قورعانىس ونەركاسىبىنىڭ حالىقارالىق كورمەسىن تاماشالاپ، تىنىق مۇحيتى باتىس بولىگىنىڭ اسكەري سيمپوزيۋمىنا قاتىسادى. ساپار اعىمداعى جىلدىڭ 14 - قازانىندا اياقتالادى.