مەتالل ارتقان جۇك كەمەسى قارا تەڭىزگە باتىپ كەتتى

ماسكەۋ. قازاقپارات - مەتالل ارتقان جۇك كەمەسى قارا تەڭىزگە باتىپ كەتتى. بورتتاعى ەكيپاج مۇشەلەرى قۇتقارىلدى، دەپ حابارلايدى قازاقپارات ت ا س س اگەنتتىگىنە سىلتەمە جاساپ.

«كەمە ءبىر جاعىنا قاراي جانتايىپ، سۋعا باتىپ كەتتى. ەكيپاجدىڭ سەگىز مۇشەسى تۇگەلدەي قۇتقارىلدى. ولار قازىر نوۆوروسسييسك ايلاعىن بەتكە العان تانكەردىڭ بورتىندا»، - دەپ ءمالىم ەتتى «روس موررەچفلوت» باسپا ءسوز قىزمەتى اگەنتتىككە.

 ايتۋىنشا، ەكيپاج مۇشەلەرىنىڭ اراسىندا ەكى تۇركيا جانە التى ازەربايجان ازاماتى بار. «ولاردىڭ جاعدايى جاقسى»، - دەپ ناقتىلادى «روس موررەچفلوتتاعىلار».

ماسكەۋ ۋاقىتى بويىنشا ساعات 06:45-تە سيەۆاستوپولدىڭ تەڭىز قۇتقارۋ ورتالىعىنىڭ كەزەكشىسىنەن پاناما تۋىن ءىلىپ العان بەلگىسىز كەمەنىڭ قارا تەڭىزدە، جاعالاۋدان 50 ميل قاشىقتىقتا اپاتقا ۇشىراعانى جونىندە حابار كەلىپ تۇسكەن. كەمە ءبىر جاعىنا قاراي جانتايىپ كەتكەن. شۇعىل ارادا كەمەدەگى ادامدار قۇتقارۋشى سالعا كوشىرىلدى. كومەككە تەڭىز كەمەلەرى كەلىپ جەتتى. ونىڭ ىشىندە «مينەرۆا» تانكەرى دە بار. ول اپاتقا ۇشىراعان كەمەنىڭ ەكيپاجىن وتىرعىزىپ، وقيعا ورنىنان الىپ كەتتى. «ال كەمەنىڭ ءوزى سۋعا باتىپ كەتتى» دەپ حابارلادى «روس موررەچفلوتتان». مۇندا سۋدىڭ تەرەڭدىگى - 1900 مەتر. سۋدىڭ لاستانۋ قاۋپى جوق. قۇتقارۋ ورتالىعىنىڭ مالىمەتىنشە، كەمە بۇل مەتالدى تۇركياعا اپارا جاتقان.