قازاقستاندا سيفرلاردىڭ قازاقشا جازباشا اتاۋىن كورسەتەتىن سايت جاسالدى

استانا. قازاقپارات - احمەت بايتۇرسىن ۇلى اتىنداعى ءتىل ءبىلىمى ينستيتۋتىنىڭ ماماندارى سانداردى جازباشا تۇردە بەرۋگە ارنالعان سەرۆيستى جاساپ شىعاردى، دەپ حابارلايدى قازاقپارات.

«Tezsana.kz ەرۆيسى قازاقشا سان ەسىمدەردى جازۋدا قيىندىقتارعا تاپ بولاتىن نەمەسە كۇردەلى سانداردى جازۋ ەملەسىن بىلمەيتىن بۋحگالتەر، ەكونوميست جانە ت. ب. ماماندارعا ارنالعان»، - دەلىنگەن ينستيتۋتتىڭ فەيسبۋكتەگى پاراقشاسىندا.

 سەرۆيس جاۋاپتاردى ەكى ءتۇرلى فورماتتا ەكى جولاقتا بەرەدى. ءبىرىنشى جاۋاپ جولاعىندا سان تۇتاستاي جازۋ تۇرىندە بەرىلسە، ال ەكىنشى جولاقتا سان كورسەتىلىپ جاقشا ىشىندە جازباشا رەتى كورسەتىلەدى. ءبىرىنشى جولاقتا سان ەسىمنەن كەيىن ₸ (تەڭگە تاڭباسى) قوسىلىپ شىعادى. سەرۆيستى كەز كەلگەن قۇرىلعىدان، قانداي دا بولسىن براۋزەردەن وڭاي پايدالانۋعا بولادى. اتالعان رەسۋرس قازاقتىلدى اۋديتورياعا جانە قازاقشا بىلمەيتىن الايدا كۇندەلىكتى تۇرمىسىندا، قىزمەتىندە قازاقشا ساندارمەن جۇمىس ىستەيتىندەرگە ارنالعان.

اۆتور: جانىبەك امانگەلدى