قارماقشىدا ءداستۇرلى قازاق ونەرىنىڭ اكادەمياسى اشىلادى
جاعىمدى جاڭالىقتى وبلىس اكىمى قىرىمبەك كوشەربايەۆ قارماقشى اۋدانىنىڭ قۇرىلعانىنا 80 جىل تولۋ مەرەيتويىنا ارنالعان اتالمىش شارا بارىسىندا جەرگىلىكتى جۇرتشىلىققا جەتكىزدى. وبلىس باسشىسى قارماقشىلىقتاردى مەرەيتويمەن قۇتتىقتاپ، اۋداننىڭ وبلىستىڭ الەۋمەتتىك- ەكونوميكالىق جانە رۋحاني- مادەني دامۋىنا قوسقان ۇلەسىن اتاپ ءوتتى.
«قارماقشى اۋدانى - بارشا تۇركى جۇرتىنىڭ ابىزى، داناگوي قورقىت اتا مەكەنى، سىر وڭىرىندەگى ەجەلگى استانالاردىڭ ءبىرى - ساقتاردىڭ ورداسى شىرىك رابات شاھارى ورنالاسقان قاسيەتتى جەر. بالقى بازار، ءدۇر وڭعار، جيەنباي جىراۋ، ەشنياز سال ىرگەسىن قالاپ، كەتە ءجۇسىپ، شوراياقتىڭ ومارى، تۇرماعامبەت ىزتىلەۋوۆ كۇمبەزىن كوتەرگەن جىر كەرۋەنى - قارماقشى جەرىنىڭ «ءجۇز شايىر ەلى» اتالۋىنا سەبەپ بولدى. جاقىن ارادا قىزىلوردا قالاسىندا ايماعىمىزدىڭ، ونىڭ ىشىندە قارماقشى اۋدانىنىڭ مادەني مۇراسىن زاماناۋي دەڭگەيدە دارىپتەپ، ناسيحاتتاۋ ءۇشىن ايماقتا قازاقتىڭ ءداستۇرلى ونەر اكادەمياسىن اشۋدى جوسپارلاپ وتىرمىز»، - دەپ حابارلادى وبلىس باسشىسى «قارماقشى - ەلدىك پەن ەرلىك مەكەنى!» عىلىمي- تانىمدىق كونفەرەنسياسىنىڭ بارىسىندا.
ودان بولەك، قارماقشى اۋدانىنان شىققان ۇلت ماقتانىشتارى ەكىنشى دۇنيەجۇزىلىك سوعىسقا قاتىسقان جاۋىنگەر اقىن ءابزالي ەگىزبايەۆ، كەڭەس وداعىنىڭ باتىرى تايىمبەت كومەكبايەۆ، ەڭبەك ەرى تساي دەن حاك، ادىلبەك حايرۋللايەۆ، ءساليما جۇمابەكوۆالاردى دا اتاپ وتكەن ءجون.
سونداي- اق، كونفەرەنسيادا «قارماقشى» كىتابىنىڭ اۆتورلارى - فيلولوگيا عىلىمدارىنىڭ دوكتورى باعدات كارىبوز ۇلى مەن تاريح عىلىمدارىنىڭ كانديداتى ءازىلحان تاجەكەيەۆ، اۋداننىڭ قۇرمەتتى ازاماتتارى - باقبەرگەن دوسمانبەتوۆ، پروفەسسور تەمىرحان تەبەگەنوۆ، جىراۋ الماس الماتوۆ بايانداما جاسادى. شارا بارىسىندا وبلىس اكىمى قىرىمبەك كوشەربايەۆ ت. كومەكبايەۆ، يىركول جانە قۋانداريا اۋىلدىق وكرۋگتارىنىڭ شارۋاشىلىقتارىنا كوگالداندىرۋ جۇمىستارىنا ارنالعان ارنايى تەحنيكا - تراكتورلاردىڭ كىلتىن تابىستادى. سونىمەن قاتار، قارماقشى اۋدانىندا رەسپۋبليكالىق اقىندار ايتىسى، ۇلتتىق سپورت تۇرلەرىنەن سايىستار، يران- عايىپتىڭ «قورقىتتىڭ كورى» سپەكتاكلىنىڭ كورسەتىلىمى جانە ورتالىق الاڭدا مەرەكەلىك گالا- كونسەرت ۇيىمداستىرىلادى.