سولتۇستىك قازاقستاندا قار جاۋدى

پەتروپاۆل. قازاقپارات - سولتۇستىك قازاقستان وبلىسىنىڭ كەيبىر اۋداندارىندا العاشقى قار ءتۇستى، دەپ حابارلايدى قازاقپارات.

امليۋت، ەسىل جانە تايىنشا اۋداندارىنىڭ تۇرعىندارى بۇگىن تاڭەرتەڭ تۇرعاندا تەرەزەلەرىنەن قار باسقان كوشەلەردى كوردى. پەتروپاۆلعا قىس كەلۋگە ءالى ەرتە. الايدا تەرمومەتر باعانى 2 گرادۋس سۋىقتى كورسەتۋدە. كەشە كەشكە مۇندا جاڭبىر جاۋىپ، سوڭى قارعا ۇلاستى.

سينوپتيكتەر كەشە سولتۇستىك قازاقستاندىقتاردى 13 -قازاندا اۋا تەمپەراتۋراسى تومەندەپ، قار ارالاس جاڭبىر جاۋاتىنى تۋرالى ەسكەرتكەن بولاتىن. بۇگىن ايماقتا اۋەلى وڭتۇستىك- باتىستان سوعاتىن جەل كەيىن سولتۇستىك- باتىس باعىتقا اۋىسادى. كەي جەرلەردە جەل ەكپىنى سەكۋندىنا 20 مەترگە دەيىن جەتۋى ىقتيمال. كۇندىز اۋا تەمپەراتۋراسى 3-10 گرادۋس جىلى بولادى.