22:17, 12 - قازان 2018 | GMT +6
الاياقتار جالعان قۇجات جاساپ نەسيەگە تەلەفون العان
الماتى. قازاقپارات - الماتى پوليسياسى الاياقتاردىڭ فوتولارىن جاريالادى، دەپ حابارلايدى قازاقپارات ءتىلشىسى قالا ىشكى ىستەر دەپارتامەنتىنىڭ باسپا ءسوز قىزمەتىنە سىلتەمە جاساپ.
الماتى ءى ءى د مەدەۋ جانە بوستاندىق اۋداندارىنىڭ اۋماعىندا بولعان الاياقتىق دەرەكتەرى بويىنشا ءبىرقاتار قىلمىستىق ىستەر تەكسەرىپ جاتىر.
«الاياقتار ازاماتتاردىڭ جەكە باسىن كۋالاندىراتىن قۇجاتتاردى قولدان جاساپ، زاڭسىز جولمەن نەسيەگە ۇيالى تەلەفون العان. سودان كەيىن تەلەفونداردى ءۇشىنشى بىرەۋلەرگە ساتقان. وسىعان بايلانىستى، ولاردى تانىعان نەمەسە ولاردىڭ قاي جەردە ەكەندىگى تۋرالى اقپاراتقا يە تۇرعىنداردان، سونداي- اق ولاردىڭ قىلمىستىق ارەكەتتەرىنەن جابىرلەنگەندەردەن 87024882543, 87051111193, نەمەسە 102 نومىرلەرىنە حابارلاسۋىن سۇرايمىز» ، - دەيدى الماتى قالالىق ءى ءى د تەرگەۋ باسقارماسى باستىعىنىڭ ورىنباسارى ولجاس ءشارىپوۆ.
