22:37, 12 - قازان 2018 | GMT +6
اتاقتى جەلاياق ۋسەين بولت كاسىپقوي فۋتبولداعى العاشقى گولىن سوقتى
استانا. قازاقپارات - الەمگە تانىمال جەلاياق، 8 دۇركىن وليمپيادا چەمپيونى ۋسەين بولت كاسىپقوي فۋتبولداعى مانسابىن باستادى.
اۋستراليانىڭ «سەنترال كوست مارينەرس» كومانداسىندا دوپ تەبۋدى باستاعان جەڭىل اتلەت العاشقى گولدارىن سوقتى. يامايكالىق سپورتشى «ماكارتۋر ساۋت ۆەست يۋنايتەد» كومانداسىنا قارسى جولداستىق كەزدەسۋدە ەكى بىردەي گول سوعىپ، جانكۇيەرلەرىن قۋانتتى. ءبىرىنشى گولىن سوققاندا قورعاۋشى مەن قاقپاشىنى قاپى قالدىردى. ال ەكىنشى گولىن قارسىلاستار قاتەلىگىنەن كەيىن اشىق قاقپاعا سوقتى. ۋسەين بولت اۋستراليالىق كوماندامەن تامىز ايىندا كەلىسىمشارتقا قول قويعان ەدى. قوس تاراپ قانداي دا ءبىر مەرزىم بەلگىلەمەگەن.
Massaget.kz