قىرعىزستاننان قازاقستانعا ەت ونىمدەرىن اكەلۋگە تىيىم سالىندى

 استانا. قازاقپارات - قىرعىزستاننان ەلىمىزگە ەت كىرۋىنە تىيىم سالىندى. وعان قىرعىز ەلىندەگى جانۋارلاردان اسا قاۋىپتى اۋرۋلاردىڭ تابىلۋى سەبەپ.

اۋىل شارۋاشىلىعى مينيسترلىگىنىڭ تاپسىرماسىمەن 12- قازاننان باستاپ كورشى قىرعىز ەلىنەن ەت اكەلىنبەيدى. وسىعان سايكەس، قىرعىزستاننىڭ ۆەتەريناريالىق باقىلاۋ جانە قاداعالاۋ ونىمدەرىن ەكسپورتتايتىن وسوو «ريحا» ، جاق «كانتسكي حلەبزاۆود» ، وسوو «باركاد» ، وسوو «ساليح لتد» ، وسوو «ادال- ازىك» اتتى 5 كاسىپورنىنا شەكتەۋ قويىلدى.

سونىمەن قاتار 2012 -جىلدان بەرى قىرعىزدىق 4 كاسىپورنىنا ۋاقىتشا شەكتەۋ قويىلعان.