+7 (701) 759 90 19 Лента
0 °С : استانا
2 °С : الماتى
USD 366.86 EUR 424.49
RUB 5.60 CNY 53.02
جاڭالىقتار

وسكەمەندە تىڭ جانرداعى كىتاپتىڭ تۇساۋى كەسىلدى

12 قازان 19:36 203
:ءبولىسۋ
وسكەمەندە تىڭ جانرداعى كىتاپتىڭ تۇساۋى كەسىلدى

 وسكەمەن. قازاقپارات - وسكەمەندە اقىن، جۋرناليست مۇراتحان كەنجەحان ۇلىنىڭ «قوڭىر قالجىڭ» اتتى ەپيگراممالار جيناعىنىڭ تۇساۋى كەسىلدى، دەپ حابارلايدى قازاقپارات ءتىلشىسى.

 شونا سماحان ۇلى، قالتاي مۇحامەدجانوۆ، وسپانحان اۋباكىروۆ، جاراسقان ابدىراشتەردەن قالعان ەپيگرامما جانرى وسكەمەندە قايتا ءبۇر جاردى. «قوڭىر قالجىڭ» دەگەن ەرەكشە اتپەن جارىق كورگەن كىتاپتىڭ اۆتورى - شىعىس قازاقستان وبلىستىق «ديدار» گازەتىنىڭ ءتىلشىسى، اقىن مۇراتحان كەنجەحان ۇلى. تۋىندىنىڭ تۇساۋكەسەرىنە ءوڭىردىڭ زيالى قاۋىمى، ستۋدەنتتەر مەن وقۋشىلار قاتىستى.

ءۇش بولىمنەن تۇراتىن كىتاپتىڭ العاشقى تاراۋىندا قازاق ادەبيەتى مەن ونەرىنىڭ كورنەكتى وكىلدەرىنە ارنالعان ىنىلىك ازىلدەر بەرىلسە، ەكىنشى بولىمىندە ۇزەڭگىلەس ارىپتەستەرىنە ارنالعان ءازىل- سىقاقتارى ەنگەن. ءۇشىنشى بولىمدە قوعامداعى كەلەڭسىز قۇبىلىستار اكىم مەن كولىك جۇرگىزۋشىسى سىندى ءتۇرلى سالا وكىلدەرىنىڭ مونولوگى ارقىلى جىرلانعان.

 
وسكەمەندە تىڭ جانرداعى كىتاپتىڭ تۇساۋى كەسىلدى

«ەپيگراممانىڭ بارىنە ەلىمىزگە تانىمال سۋرەتشىلەر شارج سىزدى. ەركىن نۇرازحان، راسۋل قاسىموۆ، مەرەي قاينار ۇلى سىندى قىلقالام شەبەرلەرىنە العىسىم شەكسىز. بۇل تۋىندى كىتاپ پالاتاسىنا تاۋەلسىز قازاقستان تاريحىنداعى تۇڭعىش ەپيگرامما جيناعى رەتىندە تىركەلدى» - دەيدى كىتاپ اۆتورى.

تۇساۋكەسەردىڭ سوڭى پوەزيالىق كەشكە ۇلاسىپ، جىردان شاشۋ شاشىلدى.

 
وسكەمەندە تىڭ جانرداعى كىتاپتىڭ تۇساۋى كەسىلدى

اۆتور: ەسىمجان ناقتىباي


باستى سوزدەر: ايماق,
:ءبولىسۋ

اأتور:

novasa

ونلاين قىزمەتكەرلەر
مۇراعات