+7 (701) 759 90 19 Лента
0 °С : استانا
2 °С : الماتى
USD 366.86 EUR 424.49
RUB 5.60 CNY 53.02
جاڭالىقتار

ب ق و- دا تاقساي حانشايىمىنىڭ كەسەنەسى اشىلدى

12 قازان 18:58 372
:ءبولىسۋ
ب ق و- دا تاقساي حانشايىمىنىڭ كەسەنەسى اشىلدى

 ورال. قازاقپارات - باتىس قازاقستان وبلىسىندا «رۋحاني جاڭعىرۋ» باعدارلاماسى اياسىندا تاقساي حانشايىمىنىڭ كەسەنەسى اشىلدى، دەپ حابارلايدى قازاقپارات ءتىلشىسى.

تەرەكتى اۋدانى دوليننىي اۋىلى ماڭىندا ورنالاسقان تاقساي كەشەنى - ب ق و- دان قازاقستاننىڭ كيەلى ورىندارى قاتارىنا ەنگىزىلگەن جەتى نىساننىڭ ءبىرى.

باتىس قازاقستان وبلىستىق تاريح جانە ارحەولوگيا ورتالىعى 2012 -جىلى قازبا جۇمىستارىن جۇرگىزگەن كەزدە بۇل جەردەن بەس بىردەي قورعان (وبا) تابىلعان بولاتىن. وسى جۇمىسقا جەتەكشىلىك ەتكەن اتالمىش ورتالىقتىڭ عىلىمي قىزمەتكەرى يانا لۇقپانوۆانىڭ ايتۋىنشا، مۇنداعى ەڭ باستى جاڭالىق كەيىن «التىن حانشايىم» بولىپ اتالعان، ەجەلگى سارمات كەزەڭىنە جاتاتىن اقسۇيەك باي ايەلدىڭ جەرلەنگەن ورنىنىڭ انىقتالۋى ەدى. جاسى 35-40 تارداعى ايەلدىڭ قابىرىنەن كوپتەگەن التىن بۇيىمدار تابىلىپ، ونىڭ جالپى سالماعى 3 كەلىگە جۋىقتادى. ءتىپتى كويلەگى مەن جامىلعىسى دا التىن جىپپەن تىگىلگەن. «التىن حانشايىممەن» بىرگە ەكى كۇزەتشىنىڭ جەرلەنۋى ونىڭ مارتەبەسى جوعارى بولعاندىعىن كورسەتەدى. التىن بۇيىمدارمەن بىرگە قولا اينا، تۇمارلاردىڭ تابىلۋى ونىڭ سارماتتىڭ ابىز ايەلى ەكەندىگىن تانىتادى.

 
ب ق و- دا تاقساي حانشايىمىنىڭ كەسەنەسى اشىلدى

تاقساي قورعان كەشەنىنەن تابىلعان «التىن حانشايىمدى» زەرتتەۋگە شەتەلدىك ماماندار دا قاتىسىپ، قالپىنا كەلتىرۋ ىسىمەن قازاقستاندىق عالىم- رەستاۆراتور قىرىم التىنبەك باستاعان ماماندار اينالىستى. سودان كەيىن «التىن حانشايىم» استانا قالاسىنداعى ق ر ۇلتتىق مۋزەيىنە قويىلدى.

 
ب ق و- دا تاقساي حانشايىمىنىڭ كەسەنەسى اشىلدى

جەرگىلىكتى مەتسەناتتاردىڭ قولداۋىمەن تۇرعىزىلعان اق شاڭقان كەسەنەنىڭ بيىكتىگى - 7 مەتر، ەنى - 4 مەتر.

 
ب ق و- دا تاقساي حانشايىمىنىڭ كەسەنەسى اشىلدى

 كەسەنەنىڭ اشىلۋ سالتاناتىنا ب ق و اكىمىنىڭ ورىنباسارى عابيدوللا وسپانقۇلوۆ قاتىسىپ، تاقساي حانشايىمى كەسەنەسىنىڭ «رۋحاني جاڭعىرۋ» باعدارلاماسى اياسىندا جۇزەگە اسقان جوبالاردىڭ ءبىرى ەكەندىگىن، ەل تاريحىن تانۋداعى مۇنداي ىستەردىڭ الداعى ۋاقىتتا دا جالعاساتىنىن جەتكىزدى.


باستى سوزدەر:
:ءبولىسۋ

اأتور:

novasa

سونداي-اق... وقىڭىز
ونلاين قىزمەتكەرلەر
مۇراعات